想甜嚐甜

营业中

休息中

入得嚟想甜尝甜，梗系要嗌返佢嘅招牌甜品——开心果心太软😀 除此之外，我仲好期待食佢嘅柑桔味乳酪雪糕，点知佢得返原味，但都无损我嘅兴致😛 心太软虽然的的色色，但入面嘅开心果酱超多，绝对做到爆酱嘅效果🤪 开心果味几浓郁，食耐咗可能会觉得太甜，但系配埋好fresh嘅乳酪雪糕就啱啱好👍🏻另外，仲嗌多咗个黑草，呢个真系十级抵食，皆因佢啲料超多🤩 有三色芋圆、丸子、珍珠、西米、黑糖条、仙草，另外加咗黑糖酱同花奶😋 成碗嘢都系果啲烟烟韧韧嘅野，岩哂我！不过我觉得佢嘅芋圆有啲太硬，可以再腍返少少咁多🤏 而令我几惊喜嘅系黑糖条，爽爽哋几好食！😆总括而言，️呢间人气甜品舖嘅甜品唔单止打卡一流😍 味道仲几唔错！最印象深刻嘅真系个开心果心太软，出面无咩几可可以食到🙈 仲要佢系深黄嘅小店，绝对要好好支持下😌💪🏻