柴石燒 (已結業)

将军澳大多数都系一啲大型连锁商场，不过将军澳南近排开咗一个新嘅food court，入边有唔少嘅小店，而且间间都咁有良心，点可以唔试吓呢。一入到个food court见到有唔少食客都拣呢间嘅石烧牛扒，睇嚟味道都唔错，一于试下。$88有一个套餐，包埋汤，沙律，牛扒，白饭，份量都几够，卖相都唔错。石烧牛扒温度好够，热辣辣，牛扒肉质唔错，不过石板嘅温度几高，好容易就会令牛扒过熟。所以食嘅时候要小心，同埋食快少少，我就建议用啲蔬菜垫起块牛扒，咁就可以减慢牛扒变熟嘅速度。亦都推荐佢个沙律，其实都几新鲜，而且加埋芝麻酱味道好清爽。