影片
更多
2022-03-05
5865 浏览
秋风起，除咗食腊味之外，仲系食煲仔饭嘅季节，上次介绍咗新界荃湾嘅煲仔饭代表，今次就介绍港岛嘅代表，其实港岛有唔少好出名嘅煲仔饭，今次介绍呢间仲要有米芝莲必比登推介，除咗煲仔饭出名，佢嘅小菜同点心都系必食。尝囍系西环区人气既街坊小菜馆，舖头连续三年得到米芝莲推介，受到各大传媒报道，晚市未开始已经见人龙，系港岛煲仔饭必食嘅餐厅之一，深受街坊欢迎，同一样攞到米芝莲推介既坤记一样喺西环，近排仲喺乐富开咗新分店。餐厅主打煲仔饭，因为知道香港人讲求健康、少油少纳，所以佢哋嘅煲仔饭同小菜标榜冇落味精，同坤记一样系以火山石炮制煲仔饭 ，以前佢哋系用炭火，不过始终用炭嘅成本比较高，攞牌就要用好多钱同时间，而且对控制大小细火嘅技巧要求好高，而且会令到成间餐厅都系炭味，最后就用菲律宾火山石放喺特别订造嘅炉灶，可以有稳定而且高温嘅火力，食客都唔会成身炭味。而且师傅会混合泰国新旧米，多次尝试边一种米比较吸水，加上几滴猪油，令到香味加倍。师傅一次过可以同时处理15个煲仔饭，高峰期可以一日卖300个煲仔饭。煲仔饭约有30款，好似有白鳝滑鸡冬菇煲仔饭、腊味排骨煲仔饭、腊味滑鸡饭、有创意既日式鳗鱼煲仔饭等。因为小菜隔离
尝囍系西环区人气既街坊小菜馆，舖头连续三年得到米芝莲推介，受到各大传媒报道，晚市未开始已经见人龙，系港岛煲仔饭必食嘅餐厅之一，深受街坊欢迎，同一样攞到米芝莲推介既坤记一样喺西环，近排仲喺乐富开咗新分店。
餐厅主打煲仔饭，因为知道香港人讲求健康、少油少纳，所以佢哋嘅煲仔饭同小菜标榜冇落味精，同坤记一样系以火山石炮制煲仔饭 ，以前佢哋系用炭火，不过始终用炭嘅成本比较高，攞牌就要用好多钱同时间，而且对控制大小细火嘅技巧要求好高，而且会令到成间餐厅都系炭味，最后就用菲律宾火山石放喺特别订造嘅炉灶，可以有稳定而且高温嘅火力，食客都唔会成身炭味。
而且师傅会混合泰国新旧米，多次尝试边一种米比较吸水，加上几滴猪油，令到香味加倍。师傅一次过可以同时处理15个煲仔饭，高峰期可以一日卖300个煲仔饭。煲仔饭约有30款，好似有白鳝滑鸡冬菇煲仔饭、腊味排骨煲仔饭、腊味滑鸡饭、有创意既日式鳗鱼煲仔饭等。
因为小菜隔离𠮶间系同名嘅点心店，同样获得米芝莲推介，老细曾经任职于陆羽茶室，亦都系潮江春做过，而且有50年点心经验嘅师傅主理，所以对自家制嘅怀旧点心有信心，点心价钱都合理够平民，即使食紧煲仔饭，都可以叹吓一盅两件，夜晚都一样供应，如果唔系系小菜馆堂食都可以买外卖，系廿四小时供应。因为西环嘅长者比较多，知道佢哋收入低但系又钟意饮茶，所以点心店曾经喺朝早免收佢哋茶钱半年，餐厅都冇收+1服务费。
要讲到点解会有呢间餐厅，店主因为后生𠮶时喺另一区食过好食嘅煲仔饭，所以就有开业嘅念头，而家餐厅已经开业10年，为咗满足香港人唔同口味，所以系几年前更加扩展通宵营业嘅点心店，而佢觉得两间餐厅都同时可以比米芝莲肯定系非常珍贵。其实店舖曾经差啲俾大财团高价买走，全靠良心业主保住佢个舖位，所以即使第一年上米芝莲推介榜，佢都承诺一年唔加价，为食客提供大众化价钱嘅嘢食。
呢度其实系可以book位，本身约咗朋友星期四去食，咁我前一两日就打去book位谂住book 七点，打去个姐姐同我讲七点book唔到 ，六点就book得，咁我就谂可能七点太多人唔比book位，咁就谂住Walk in，朋友大概七点就到餐厅，攞咗张飞系24号，但Number系叫紧10几号，之后就发觉其实好多人都有book位，但其实book咗位都系要排队，Book咗七点三可能七点九先有得入去，只不过个优先会比起walk in快，最后我等咗差唔多一个半钟先可以入去。第一系因为我哋系三个人，去到后期其实有好多二人位，飞都嗌左好几个Number，但三人位或以上啲人就完全冇人走，而且我系去到后尾先知原来可以接受搭枱系可以快啲入去坐，所以佢嗌嘅数字系系咁跳，变咗见到有好多迟过我哋嚟嘅 ，反而俾我哋更加吁入去坐到，其实安排座位方面都几混乱，如果因为三个人以上既枱系食得耐啲，咁餐厅应该要考虑限时用餐去有效咁控制客人离座，从而令到book位嘅人可以准时入去，同时walkin嘅人都唔驶等咁耐，或者可以弹性咁安排二人位同四人位既比例。
环境来讲，系香港嘅煲仔饭餐厅入面，佢算系座位阔落，地方够整齐，而且全部座位都系室内，唔使坐街边对住车既废气或者垃圾桶。
价钱以攞过米芝莲推介嘅餐厅来讲唔算好贵，冇因为出咗名而大幅加价，令大家可以以亲民嘅价钱享受米芝莲美食。煲仔饭大概有30几款选择，夜晚六点之后先供应。而点心方面系即叫即蒸，大约有40几款，好似有山竹牛肉、腐皮尖椒、萝卜糕、马蹄糕、黄金糕等。-
1️⃣ 腊味排骨饭 💰90（👅: 8.5/10）
腊味排骨饭
$90
143 浏览
1 赞好
0 留言
煲仔饭系即叫即整，首先用煤气炉将饭煮熟，喺加料𠮶时再放上长形嘅炭炉，要等大约20分钟，如果有叫到小菜或者点心，煲仔饭应该系食晒之后差唔多上，上枱𠮶时店员会同时比一碟豉油你落，豉油份量其实唔算多，或者可能餐厅觉得咁多就够。上枱𠮶时因为呢一款有腊肠、润肠、腊肉，未开盖已经明显闻到腊味嘅味道。
呢度嘅饭系用泰国米再沟米，系煲得啱啱好，够干身，真系做到粒粒分明，我同朋友都非常满意，即使落咗豉油都唔会拎到湿咗，依然都系好挺身，食落系唔会过硬，而且有米香。
呢度嘅豉油系用腊味嘅头尾煲制而成，豉油味都唔会过咸，亦都冇令到个饭过湿，可能因为份量本身唔多，如果钟意重口味啲嘅人会觉得依度嘅豉油唔够味，咁当然香味方面唔会及江湖小栈，因为佢系有猪油。
腊肠嘅肥瘦比例适中，食落算甘香不过未到好有惊喜，不过份量都几多，有成六七条，反而润肠比腊肠更有惊喜，入面够粉够香，咸香味足够，不过两者嘅香味都冇完全渗入系饭入边，而排骨方面就偏肥一啲，唔算有惊喜。
饭焦方面都系可以成个起，系头盔型饭焦，咁当然唔会净系留饭焦到最后食，最好就系捞饭𠮶时将饭焦整碎同饭一齐食，饭焦未去到金黄色，但系完全唔会㶶，系整到啱啱好，咬落去脆口，食落去唔会有苦味，因为豉油唔算多，所以饭焦都唔会太重味，算系差唔多完美嘅饭焦。
总结来讲，饭同饭焦都系冇咩好挑剔，要挑剔嘅就系啲𩠌，𩠌未可以完全将佢嘅味道完全渗入系饭入边，尤其系腊味嘅油香无喺饭度食到。
-
2️⃣ 白鳝腊肠饭 💰90（👅: 8/10）
白鳝腊肠饭
$90
75 浏览
2 赞好
0 留言
白鳝肥美爽脆，肉质就正常嫩滑，食落冇腥味，会带小小骨，不过份量偏小，得两三个，三个人食真系一日一旧就无左，不过同样味道就未算好突出，亦都冇将佢嘅鲜味渗入系饭入面。
呢一碗嘅饭同样都系整到好干身，不过睇佢饭焦就知道佢overcooked左，因为会见到有部份位置㶶咗，而且起饭焦𠮶时都比上一碗比较困难，净系两个煲仔饭水准就已经有分别，系咪代表佢水准唔稳定？因为有见过人哋话佢嘅饭好湿，不过今次我食就冇。
-
3️⃣ 椒盐鲜鱿 💰88（👅: 9.5/10）
双并 椒盐九肚鱼 ＋💰30（👅: 9.5/10）
椒盐鲜鱿
$88
59 浏览
2 赞好
0 留言
首先椒盐鲜鱿热辣辣，够厚身，每件大小适中，咬落去系非常香脆，但佢个炸皮系完全唔厚，算系我食过最薄嘅炸衣，入面咬落去系弹牙，即使炸过嚟，食落去完全冇油膉味，而且唔会骨肉分离，可见佢个炸功系一流，而鱿鱼咬落去系非常之软熟。
九肚鱼同鲜鱿一样炸皮超薄，几大旧不过唔会话一夹鱼就断开，咬落去系入口即溶嘅感觉，好耐未食过九肚鱼都可以咁腍咁滑，外脆内嫩，食落去系鲜甜味，鱼肉够肥美，够晒新鲜，香口惹味。
而无论系鱿鱼定系九肚鱼都好明显食到椒盐味，但唔会话太重，调味系岩岩好，因为依家系出边食到好多嘅椒盐鱿鱼等等其实系冇落到椒盐，净系落一啲蒜或者辣椒就改个名做椒盐，呢度有椒盐味而且都唔会过咸，呢一碟系我食过嘅椒盐鱿鱼入边，唔系第一就系第二。
-
4️⃣ 啫啫煲唐生菜 💰68（👅: 8/10）
啫啫煲唐生菜
$68
43 浏览
1 赞好
0 留言
-
5️⃣ 咖哩金钱肚 💰25（👅: 8/10）
咖哩金钱肚
$25
45 浏览
1 赞好
0 留言
-
6️⃣ 黄金炸鲜奶 💰25（👅: 7.5/10）
黄金炸鲜奶
$25
35 浏览
1 赞好
0 留言
-
7️⃣ 流沙千层糕 💰34（👅: 8/10）
流沙千层糕
$34
70 浏览
1 赞好
0 留言
-
🌟食物来讲，呢度最出名嘅煲仔饭，我觉得佢饭嘅质地系做到差唔多完美，而饭焦都系可以做到成块起出嚟，但第一碗同第二碗个水准有分别，第一碗接近完美但第二碗就有啲overcooked，调味方面就正常，𩠌就冇乜惊喜，最有惊喜系润肠，而且𩠌嘅味道油香无渗入系饭入面，整体都算系好食嘅煲仔饭。
点心方面就正常，不过我觉得点心会食到冻嘅金钱肚系唔太可以接受，即系佢未蒸得得或者未完全解冻，仲要呢一间点心系米芝莲推介，冻嘅点心可以攞出嚟比客人食真系有愧于呢一个荣耀，我会宁愿去同区嘅新兴食点心，至少佢一定系热辣辣。
而小菜方面反而系最有惊喜，呢一叠嘅椒盐鱿鱼加九肚鱼，可以话系我食过嘅数一数二，如果要同佢匹敌嘅，我谂我食过就只有深水埗嘅爱文生，所以嚟紧我会食多次爱文生睇吓边个系香港第一。
总结系讲呢一间系冬天食系几适合，如果钟意煲仔饭都可以一试，不过最推荐嘅系椒盐鱿鱼同九肚鱼，以食物水准系值得一黎。但唔建议Walk in排队，一定要book位，同朋友嘅结论就系如果要排一个钟多啲就唔会嚟食，因为呢度book左位都要排队等，如果系半个钟我就会嚟食， 一个钟我宁愿外卖个煲仔饭喺出边食完俾返个碗佢，又或者净系外卖个椒盐鱿鱼。
另外餐厅应该可以谂吓点样可以有效咁安排book位同排队，因为我见到情况有啲混乱，book位个机制系会插系walkin既人，但book咗八点都有可能8:30先入得去，而Walk in方面Number系跳来跳去，原因除咗系当晚有好多两人位，而3、4人位系冇人走之外，如果唔介意搭枱系可以坐先，所以我听到有啲比我后Number嘅人反而比我入先，系我到后期先知道，我觉得店员如果有咁嘅安排应该要一开始讲清楚或者写明，因为我完全唔介意搭枱，只系想快啲入去有得食，我觉得系呢一方面店舖要改善下，因为嘢食点好食法，如果呢一方面做得唔好都系令人却步。希望佢嘅煲仔饭同小菜好食嘅同时，其他方面都可以做得好，唔会辜负食客对佢嘅期望。
店主目标系将来开更多粤菜嘅分店，想建立一个良好嘅品牌 ，而家已经开咗乐富嘅新分店，算系将目标逐步实践。一个人能力有限，虽然获得推介，但食物质素都要保持到，而且要感激员工嘅努力同埋食客嘅支持，最简单就系令到食客可以将嘢食食得干干净净。
煲仔饭比较：
煲仔饭饭焦:
🥇荃湾 江湖小栈
🥈西环 尝囍煲仔小菜
🥉 筲箕湾 祥囍煲仔小厨
煲仔饭饭粒分明干身:
🥇西环 尝囍煲仔小菜
🥈荃湾 江湖小栈
🥉 筲箕湾 祥囍煲仔小厨
煲仔饭调味:
🥇筲箕湾 祥囍煲仔小厨
🥈荃湾 江湖小栈
🥉西环 尝囍煲仔小菜
煲仔饭配料:
🥇筲箕湾 祥囍煲仔小厨
🥈荃湾 江湖小栈
🥉西环 尝囍煲仔小菜
-
👅味道: 8.5/10
🍴环境: 7.5/10
💰消费: $150pp (服务费: NA)
张贴
