灜鐵板燒

营业中

休息中

一入到去已座无虚席，但冇我想像中咁大油烟味，睇嚟餐厅抽风系统做得几好👍🏻环境卫生企理，空间感大且够光猛。酒柜可见提供各款酒类包括清酒、啤酒、红酒、白酒同香槟，加上现场气氛热闹，好有日本居酒屋感觉，最适合同朋友聚餐碰碰杯🍻盐焗日本银杏（时令）啱啱结果两三个月，可谓最好当造。第一次食银杏，亦即系我哋平时叫嘅「白果」，比我想像中好食😋质感软糯且十分可口，绝对系下酒良伴🍺辣汁魔鬼鱼有两大旧，骨肉可轻易分离👍🏻肉质细腻，富有弹性。师傅喺调味方面毫无手软，包括葱、蒜、辣椒同特制辣汁🌶️重口味得嚟又唔会有抢味嘅情况出现，辣辣哋越食越上瘾！