影片
更多
2022-12-14
19 浏览
以前读U时好钟意系西环水街揾食，最近就发现开咗间主打芋圆嘅糖水小店，原来佢哋本身系大角咀开业已经好受欢迎🔥招牌芋圆得到唔少人推介🙌🏻结业之后就系水街重开，芋圆控可以再嚟啦😆😆佢哋嘅手工芋圆、蕃薯圆同紫薯圆系每日新鲜制作，另外仲有人气嘅糯米糍、冷泡茶、小食等。呢度楼上有个阁楼，墙身有唔少手绘图案，坐得几舒服😗爱文芒甘露芋圆爱文芒🥭一向出名够甜多汁💦冬天就算唔系芒果季节都好香甜😋😋配料有新鲜芒果肉、芋圆、小丸子、粉粿、蒟蒻、芒果汁，汁底系新鲜芒果打成，芋圆够晒chewy弹牙，小丸子🍡烟靭带糯米香，最钟意系大大粒又滑又有咬口嘅粉粿，口感好正😍😍芋香仙草芋圆啲芋圆砌得好靓好整齐😻😻配料亦劲丰富，有仙草、芋圆、黑糖珍珠、薏米、小丸子、粉粿、芋香汁，芋香汁用上新鲜芋头打烂煮成，甜度较低，比较突出配料丰富嘅口感同味道。仙草非常滑溜，同烟靱嘅芋圆同粉粿等好夹👍🏻人均消费：$50推介指数（10分为满分）：7.5分
爱文芒甘露芋圆
爱文芒🥭一向出名够甜多汁💦冬天就算唔系芒果季节都好香甜😋😋配料有新鲜芒果肉、芋圆、小丸子、粉粿、蒟蒻、芒果汁，汁底系新鲜芒果打成，芋圆够晒chewy弹牙，小丸子🍡烟靭带糯米香，最钟意系大大粒又滑又有咬口嘅粉粿，口感好正😍😍
芋香仙草芋圆
啲芋圆砌得好靓好整齐😻😻配料亦劲丰富，有仙草、芋圆、黑糖珍珠、薏米、小丸子、粉粿、芋香汁，芋香汁用上新鲜芋头打烂煮成，甜度较低，比较突出配料丰富嘅口感同味道。仙草非常滑溜，同烟靱嘅芋圆同粉粿等好夹👍🏻
人均消费：$50
推介指数（10分为满分）：7.5分
张贴
