茶救星球蔬果茶

营业中

休息中

今日经过旺角, 就去咗呢间人气大热既茶救星球买咗两杯手摇, 作为苦瓜茶首创者同蔬果茶首创店, 梗系要试下佢地既手打苦瓜柠檬茶每杯蔬果茶都经过人手锤打茶底非常清香, 下面有啲苦瓜粒, 爽脆回甘, 唔怕好涩, 苦瓜仲可以清热, 喺夏天饮真系一流👍每个杯上仲随机附小麻雀, 我就抽中咗五索同六筒, 真系要努力d饮先可以集齐一套小麻雀🤣而家现场追踪社交媒体仲送苦瓜猪🐷得闲揿吓佢都几减压另外我仲叫咗甘蔗马蹄奶茶呢个配搭非常有趣, 奶茶有甘蔗既香甜仲配埋爱玉同马蹄粒, 马蹄非常爽脆, 饮落口感丰富👍