漁場台風

营业中

休息中

约左朋友出旺角食饭，见到有间几吸引既拉面舖就去左试。我哋去到果阵门口有几个人排紧队，店员会出黎比张menu你拣住先，拣完就入去坐低等佢送菜。我拣左烧海虾味豚骨拉面，朋友叫左鲣鱼味豚骨拉面。舖头有写住自己拉面既分量系比普遍食到既多，所以好似我比较细食既朋友可以拣150g分量，其实都好够饱。Menu我既烧海虾味豚骨拉面。海虾分量十足，汤底好香既海虾味。叉烧略嫌唔够腍，面既分量超多，食到好饱。朋友叫既鲣鱼味豚骨拉面，可以见到汤底颜色同我既海虾味唔同。佢个汤底较浓，鲣鱼味都几香，略缣重口味左少少。佢旧叉烧就好腍好正。舖头比想像中多座位，星期四晚黎讲，七点几未坐满人，可以慢慢叹。面既分量超多，味道唔错，店员既服务都几好，好有礼貌。