德發粥品專家

营业中

休息中

黎亲荃湾都要帮衬下呢间人气粥店，之前陀住bb转左口味，试过个几两个月朝朝都黎食早餐，食完先返工。呢到平民价钱，但质素一流👍🏻👍🏻👍🏻今晚收工过黎食，叫左碗猪红瘦肉粥，再加碟炸两，美食呀！平民美食其实仲好味！碗粥食完都唔觉得重味精，我唔敢话佢完全无，但食完唔会觉得口渴先！碗粥够晒热，食到尾都仲热架！瘦肉有少少咸味，唔鞋架！猪红又够晒滑呢！炸两都仲系脆架，最怕d粥店一早整定晒，或者本身条油炸鬼已经系唔脆，食左落肚都浪费quota，好高热量架嘛，梗系要食最好架啦！真系抵食架，两样野加埋$26埋单！连锁店真系食唔到！呢到长期多人，要自己揾位架，坐低就好快有阿姐要你叫野食，无计啦，人流高系咁。