影片
更多
2022-04-20
53 浏览
复活节最后一日假期，近近地去朋友屋企楼下食好西先，呢间窄巷入面嘅铭兴，每次行过都好多人等位，是日特登早啲出黎试佢。可能假期啲人无咁早起身？十二点黎到居然唔使等可直入，拣张大枱坐得舒服啲先。睇睇餐牌，哗～好多野都想食，朋友话横掂有消费券就食豪啲啦，叫多几个小食share。食物超快到齐，系食之前加啲酸萝卜先，呢度个唔错㖞，够酸带微辣又爽口。旁边仲有潮式辣椒油㖞，加分加分～呢黎辣油最正。朋友点嘅花雕醉鸡刀削面，鸡件又嫩又滑，皮下唔肥，个花雕酒好入味，仲有只溏心蛋，正㖞。玩刀削面要咗清汤底，可能朋友重口味喇，佢就话个清汤略为淡咗啲，不过佢一向都食开麻辣面，清汤唔啱佢，不能作准。自己就要咗呢碗麻辣猪大肠刀削面，大肠卤得入味，厚切，入面仲有唔少肥膏有咬口，个人钟意呢种肥滋滋嘅猪大肠，麻辣汁够麻够香，上面仲有一大坨生蒜，好好味，不过系重口味之选黎。至于碗刀削面就加咗担担酱，少少辣几香口，面条有咬口，多葱多芫茜正呀。小食方面要咗两样，两样都系麻辣味嘅肉类，朋友一向多肉少菜，每次出街话返碟菜佢都会反对，最后都会变成嗌多碟肉，哈哈。先讲下呢啲麻辣手撕鸡，鸡肉撕得非常碎，而且本身冇乜味，主要都系靠个麻辣汁嘅
可能假期啲人无咁早起身？十二点黎到居然唔使等可直入，拣张大枱坐得舒服啲先。睇睇餐牌，哗～好多野都想食，朋友话横掂有消费券就食豪啲啦，叫多几个小食share。
食物超快到齐，系食之前加啲酸萝卜先，呢度个唔错㖞，够酸带微辣又爽口。旁边仲有潮式辣椒油㖞，加分加分～呢黎辣油最正。
朋友点嘅花雕醉鸡刀削面，鸡件又嫩又滑，皮下唔肥，个花雕酒好入味，仲有只溏心蛋，正㖞。玩刀削面要咗清汤底，可能朋友重口味喇，佢就话个清汤略为淡咗啲，不过佢一向都食开麻辣面，清汤唔啱佢，不能作准。
自己就要咗呢碗麻辣猪大肠刀削面，大肠卤得入味，厚切，入面仲有唔少肥膏有咬口，个人钟意呢种肥滋滋嘅猪大肠，麻辣汁够麻够香，上面仲有一大坨生蒜，好好味，不过系重口味之选黎。至于碗刀削面就加咗担担酱，少少辣几香口，面条有咬口，多葱多芫茜正呀。
小食方面要咗两样，两样都系麻辣味嘅肉类，朋友一向多肉少菜，每次出街话返碟菜佢都会反对，最后都会变成嗌多碟肉，哈哈。
先讲下呢啲麻辣手撕鸡，鸡肉撕得非常碎，而且本身冇乜味，主要都系靠个麻辣汁嘅辣味，不过捞混咗之后辣辣哋都唔错。
另一碟系麻辣东坡肉，朋友一向钟意食肥猪肉五花腩呢啲，佢一见到有东坡肉就要嗌，咁就要一碟试下啦。条五花腩厚切，几香卤水味，加上麻辣汁辣辣地好惹味，同样有一大坨生蒜，个人觉得同猪大肠𠮶碟差唔多味，不过五花腩层肥层瘦咁口感就唔同嘅。
最后就系要咗冻柠茶走甜同冻奶茶，两杯都唔错几好饮吖。
食咗大概半个钟出面已经企满人等位，搞到都唔好意思慢慢食，但系叫咗咁多嘢想快都快唔到啦。
张贴
