URBAN Café Commune (MOKO新世紀廣場)

营业中

休息中

每次行过见到都大排长龙，今日可能平日，加上未到放lunch时间，所以见唔多人，又唔洗排队，就一于去试下。餐汤龙虾汤，一分钱一分货，所以冇龙虾肉属正常。不过个汤都尚算浓郁，所以都ok，可以接受。见好多人都叫依碟招牌鸡，所以都跟风叫左半只。个鸡闻起黎几香，但如冇左层皮，会冇乜味，未至于「鞋」，但系就唔够嫩。酱汁系少辣车厘茄酱，意大利粉口感啱啱好，虾都几弹牙，但系就唔大，已且得一两粒，多d虾可能感觉上丰富d！个名劲长XD，见好似几得意咁所以就叫左。个卖相就麻麻，d芝士同西洋菜盖住晒条三文鱼XDDDD三文鱼都煮得几好，肉汁鲜嫩。个Risotto就略为湿左d，如果再「杰」小小会好d。其实食物就中上中下，略嫌有点贵，不过如果懒得出港岛食好d质素既野，咁都可以试试依间既。