享樂烘焙

营业中

休息中

最近都去买咗几次，中午时段店内都有好多款口味嘅贝果提供。除咗贝果外，舖内都有面包、蛋糕同曲奇等食物可以买。店员补货速度好快，食物货量充足。汤种野生蓝莓乳酪贝果 $18贝果口感很烟韧，亦好足料，呢款系会不断食到蓝莓或乳酪，酸酸甜甜都几开胃。汤种伯爵麻薯奶茶贝果 $20望落色泽似有放唔少伯爵茶粉，但食落味道系偏淡，反而麻糬味道会比较突出，甜甜哋嘅黑糖味仲会盖过茶味。汤种芋泥贝果 $18本来对呢个贝果期望值都好高，尝试后有少少失望。以芋泥为主打，但味道偏淡且馅料都唔多。汤种特浓抹茶麻薯贝果 $20抹茶贝果内仲有抹茶味乳酪，味道够晒浓郁。而麻糬系牛奶口味，口感都好烟韧，一齐食可以减少抹茶嘅苦涩味。汤种朱古力红莓贝果 $16里面有唔少朱克力粒粒，融融哋好好食，味道都好浓郁。而红莓分量好少，唔系好食到。贝果饱腹感好强，早餐食一个就会好满足。但都建议大家即日食用，有试过第日焗返再食都系好韧。