德福閣

之前试过哩间buffet，性价比好高，FD又想食蟹脚，咁encore啦。宜家哩间buffet人气好旺，晚市基本full晒，九成客人都系街坊帮衬，好劲。嘢食唔会话好多，不过每个品种都有晒，头盘，刺身，热盘，甜品同饮品。一坐底，即刻送咗8只生蚝过来，生蚝即开，虽然个头唔算太大，不过新鲜肥美，好食到只剩2只才记得影相。头盘好有诚意，沙律已经好多品种可以拣，仲有火腿蜜瓜哩啲少见款式，火腿品质唔错，搭配埋鲜甜蜜瓜好好味。哩间buffet，刺身仲有鲭鱼提供，我最钟意食鲭鱼，成晚食咗3-4件。蟹脚系必试，蟹肉鲜甜好味，仲refill得好快，唔洗同人抢住食，食多几转都冇问题。热盘劲丰富，清蒸斑鱼火候啱啱好，鲜嫩肥美。海南鸡质素好高，皮薄肉嫩，好少肥膏，真系好味到食咗4-5件。甜品品种都唔错，最惊喜有即整疏忽厘，不过要记得先去攞牌，才有得食啦。疏忽厘即叫即整，入口即化，又唔会好甜，搭配埋Movenpick雪糕，简直一流。哩边仲有好少见嘅椰子味雪糕，唔错。全晚餐厅都refill得好快，侍应见到乜冇咗，即刻refill，完全唔似出面啲餐厅要抢住攞好嘢食。同埋啲侍应好醒目，见到客人食完，即刻清晒啲碟又帮忙加水