探魚烤魚

营业中

休息中

平时唔钟意食鱼嘅我，净系识得食酸菜鱼，贪佢无骨！ 金银蒜香烤鱼一人套餐 $98 一嚟到热辣辣，香喷喷，个底仲有好多娃娃菜 ，食嘅时候吸晒啲蒜香味，送饭一流！鱼肉超级滑，一啲都唔腥又冇骨连皮都食埋，条鱼系烤香咗先至放落去蒜汁度，非常惹味，食到我舔舔脷！鲜青椒爽麻味烤鱼一人套餐 $98见到面头嘅新鲜麻椒，觉得超级足料，同样条鱼系预先烤过先至放落去啲麻椒汁到煮，食嘅时候热辣辣完全唔冇鱼腥味，好正！至于个BB套餐，系薯仔葡汁鸡，配有好精致嘅红啤啤，红萝卜同蔬菜，仲有咸蛋超人甜品，再加埋汉堡包橡皮糖，卖相吸引，BB仲食得好开心！同BB出街食饭，最紧要有BB凳，探鱼有齐宝宝套餐同BB凳，令我可以解放双手，BB又可以自己食，我又有得食，十分好！我另外再叫咗两个小食，拼盘脆卜卜，有炸鱿鱼炸鸡，炸金菇，怕热气嘅话呢就出去斟咗个热菊花茶！ 出面有得任饮泡菊花茶！解晒啲热气！ 仲有有得自助任食冰粉，我自己加咗啲桂花蜜同埋少少红豆，冰粉用匙羹笔嘅时候嘅嘅时候完全透明，好得意！食完烤鱼饮个菊花茶，再食碗冰粉。