河內越式料理 (村南道)

营业中

休息中

放工约咗朋友食晚饭，大围出名多平民美食，选择亦唔少，呢间新开张冇耐嘅越式料理系朋友近期最爱，贪佢近公司，而且性价比亦唔错。餐厅人气好旺，晚饭时间有唔少街坊喺门外等位，我同朋友两个人大概等咗十分钟先可以入去。食物选择唔少，主打地道越式料理，越式汤粉同捞檬更加系非常受欢迎，几乎每枱必叫。除咗粉面之外，小菜同小食嘅选择亦唔少，而且价钱合理。食越南菜当然唔少得生熟牛肉河，汤底好浓郁，加入生豆芽、九层塔同罗勒，令鲜味浓厚嘅汤底更有层次感，当然亦唔少得我最爱嘅辣椒同青柠。生牛肉肥瘦均匀，上菜嘅时候仲系偏生少少，放入汤底浸一阵，半生熟嘅滋味最好，口感软腍，牛味亦算浓。熟牛肉大大件，带少少筋，但煮得非常软腍，感觉食紧清汤腩，唔错。朋友点嘅牛腩片汤河粉同样吸引，牛腩片切得薄薄哋，冇筋而且偏瘦，牛味较浓，入口同样软腍。食越南河当然唔少得两色酱汁，分别系海鲜酱同辣椒酱，有种画龙点睛嘅效果。小食亦唔逊色，香茅鸡翼炸得香脆，而且非常入味。虾饼亦算大件，虾味非常重，配上辣酱非常惹味。点粉面加十二蚊就有特饮，非常化算。朋友嘅椰汁冰味道清甜，冰凉消暑。我嘅芒果西米露同样清新，芒果味道偏酸，非常开胃，西米比平时嘅大粒少