臨記車仔麵 (已結業)

今日阿妈约左朋友去街，唔想阿爸做孤独老人，所以就同老婆去阿爸屋企附近，简简单单食个车仔面。估唔到车仔面都咁多人，排晒长龙好在入面都好多位，而且都好干净自助形式，餐具同酱料都要出去拎。位置够干净，老婆无〈炸型〉讲返野食先，都有好多𩠌可以选择，汤底都有4款，好有诚意如果唔想慢慢拣𩠌，可以拣佢地既车仔面套餐，另外仲有多款小食，好多选择我地拣左脆味豚爽肉同盐酥鸡软骨。卜卜脆，香口又惹味，爽！！阿爸叫左传统汤底幼面，配牛腩，秘制牛孖根同猪皮。🐮🐷牛根同牛腩好入味，炆得淋滑得来但仲保持到好咬口，唔会话淋pat pat散晒，高质高质我就叫左小辣麻辣汤米粉，配鲜竹卷，腩肉，炸酱同溏心蛋。特别推介鲜竹卷，好爽口又足料溏心蛋绝对系必食的首选！！我同老婆都各自叫了一只，正到吖老婆系食草怪兔，所以点了爽口的云耳同清甜无根既萝卜，佢都话Good！！另外佢话乌冬好弹牙爽口，下次都会点。