COTTI COFFEE

营业中

休息中

打工仔返工无精神就当然要靠饮咖啡提神，虽然湾仔有好多不同连锁店选择，但无人会嫌多，见到有间COTTI COFFEE新开，上网一查原来系国际连锁品牌，仲要系阿根廷国家足球队赞助商，而湾仔系佢打入香港第2间分店。由于新店开张做优惠，平均一杯咖啡都系20几蚊，系港岛区买到20几蚊既咖啡真系唔简单，于是download左佢apps落单，买完会通知你大概几多分钟可以去拎，十分方便，岩晒追求效率既香港人。咖啡选择都好多，除左大路既美式、鲜奶咖啡，佢另外有2杯颜色好特别既”潘帕斯蓝厚乳茉莉咖啡” 同 “蜜瓜茉莉厚乳咖啡”，蓝蓝绿绿咁样都几得意。我最后叫左杯 “星尘厚乳咖啡”，系黑糖鲜奶咖啡加黑糖晶球，拣左半糖，入口唔会死甜，咖啡香气十足，黑糖晶球口感烟韧，成杯野都好好饮，即刻成个人叉晒电。怪唔得创办唔够2年已经成为全球国际性品牌，因为佢性价比真系不错，比其余连锁品牌差不多平$10，但质素并无比下去，如果系附近做野既不妨可以一试。