ChaTraMue (已結業)

记得系无耐之前，各大网上平台都争先报导有泰国嘅过江龙人气奶茶嚟咗铜锣湾开店，眼见好多人影相打卡，我都一直未去试，今日终于抽空约咗朋友去食。我哋叫咗一个泰国奶茶飘雪，一个正宗泰国沙拉柠檬茶。店内有座位，可以入去坐。等左大约5至10分钟，嘢食就黎了。泰国奶茶飘雪用咗木盘黎上碟，几精美。奶茶飘雪本身唔会好甜，加上香浓既奶茶酱，小馒头同埋凉粉嚟食，甜中带茶香，香中带奶滑，口感丰富，夏日消暑解渴一流。另一杯饮品系正宗泰国沙拉柠檬茶。柠檬茶呈血红色，十分吸引。味道方面，饮落酸酸甜甜，带有柠檬的味道，好醒胃。个人认为店舖坐落嘅位置十分方便，饮品同食物亦都好有特式，好适合喺铜锣湾行紧街嘅人黎小休一下。