Playa de Papagayo (已結業)

Playa de Papagayo系K11附近一间人气酒吧餐厅，成日行过都好多人喺度饮酒食野，之前我都黎过两次，今次时间早同朋友行过见唔多人又黎帮趁。Grape Flip($58) - 哩杯系由红桑子、提子同鲜奶沟成嘅Mocktail，上面再加埋青苹果粒，饮落酸酸甜甜咁都几好饮。轻煎西班牙火腿吞拿鱼卷及温泉蛋($78) - 吞拿鱼好大旧厚切，外面用西班牙火腿包住再轻煎，肉质几嫩滑，食落带少少咸香，蘸埋蛋汁食味道都唔错。焗西班牙蛋饼($78) - 蛋饼比想像中大份，切开蛋饼，见倒中间酿左薯仔同火腿喺入面，蛋饼唔会太老，仲有少少蛋汁，因为加左火腿，所以食落多左啲咸香味，饱肚又好味。慢煮鲜鲍鱼海鲜薄饼($168) - 薄饼直径大约有9吋，属于薄饼底，上面铺满左好多海鲜，好似鲍鱼、带子、鱿鱼、青口等等，非常足料。有别于一般薄饼上面搽左番茄酱，哩个薄饼系用左千先酱，所以食落会有少少甜味，都几特别。蓝莓意大利雪糕脆饼($65) - 两块脆饼中间夹住蓝莓雪糕，雪糕雪得够冻可以好似食三文治咁夹住食，上面放左蓝莓同士多啤梨再淋左蓝莓酱喺上面，卖相几靓几吸引。总结，黎过几次野食都keep倒水准，Tapas