太二老壇子酸菜魚

营业中

休息中

人气酸菜鱼专门店 - 太二酸菜鱼太二酸菜鱼由2015年开业，香港店都终于系几个月前开业啦！仲一次过系沙田、尖沙咀、九龙塘同启德Airside一次过连开4间店，今次CK同朋友就到尖沙咀既太二酸菜鱼实试一下，呢间号称「酸菜比鱼更好食」既人气酸菜鱼专门店，睇下系咪真系物有所值 ! 酸菜鱼系唔可以选辣度，只能选份量大小，酸菜同样用约需腌制约30天先可以出坛既老坛子酸菜，而鱼肉则选用鲈鱼。客人可以系橱窗睇成个制作过程，令客人对店内卫生更有信心。太二既酸菜鱼辣度唔系好劲，酸度岩岩好，算系走一个中庸之道。鱼肉够滑，但酸菜就无宣传讲既比鱼更好食，不过不失，CK我就无食哂D酸菜既。胜在整体食起黎唔会太油腻，食完亦唔会因为太酸太辣而觉得肚唔舒服。而系过程中最得意既一件事系，侍应上枱前会用京剧腔大叫：「好吃的鱼来了！」戏剧性十足。太二既小食算系较多样化，爱食川菜既，可以一试脆椒小皮蛋，呢度既小皮蛋其实系鹌鹑蛋，味道较传统皮蛋轻，食起黎更似辣油铁蛋。大满贯小吃拼盘 系相当港式既小食拼盘，分别有印尼虾片、煎鸡翼、炸薯粒同炸酥肉，配辣粉同蜜蜂芥末酱。整体黎讲太二环境舒适，有空间感，枱上有签筒可以俾客人等菜到既时候