影片
更多
2014-01-12
6430 浏览
有外国同事来香港玩想揾D香港美食. 原本有谂过带佢地去D酒店中菜厅, 但高级中国菜佢响唐人街或其他城市都好易食到. 不如带佢地去D只有香港先食到的地道美食. 咁就去食鸡煲+打边炉la -- 其实系自己想去食!! 哈哈!! 晚上8pm 去到熟食中心, 全场只有这档大排长龙(> 20人), 好彩我早几日已Book 左枱, 去到即刻有位坐. 外国同事不停向排队的人龙影相, 虽然系几壮观, 但影得太过份真系惊俾人打....由于佢地唔识中文,问完佢地有乜唔食之后, 全部都系我想食乜叫乜! 呢到招牌菜系鸡煲同鳄鱼汤. 唔驶谂上左呢两样再慢慢叫打边炉配料. 鸡煲有大笪地干煲和麻辣汤煲. 望见周围枱枱都食干煲, 想这个比较受欢迎, 加上十分香, 就要大笪地干煲! 辣度有大,中,少和无. 就试少辣!鳄鱼汤很快到, 很足料, 有鸡肉猪肉海底椰等等. 很香很甜好合我口味. 应该系冇味精, 所以饮完冇口渴. (ps 我是中汤怪!!) 其实鳄鱼煮熟系点架? 我觉得好似猪肉咁. 外国同事问我边D系鳄鱼肉? 我系完全唔识答 - 好味咪得啰!!大笪地鸡煲等左差不多45分钟先到. (我地吹左2次单) 真系十
晚上8pm 去到熟食中心, 全场只有这档大排长龙(> 20人), 好彩我早几日已Book 左枱, 去到即刻有位坐. 外国同事不停向排队的人龙影相, 虽然系几壮观, 但影得太过份真系惊俾人打....
由于佢地唔识中文,问完佢地有乜唔食之后, 全部都系我想食乜叫乜!
呢到招牌菜系鸡煲同鳄鱼汤. 唔驶谂上左呢两样再慢慢叫打边炉配料. 鸡煲有大笪地干煲和麻辣汤煲. 望见周围枱枱都食干煲, 想这个比较受欢迎, 加上十分香, 就要大笪地干煲! 辣度有大,中,少和无. 就试少辣!
鳄鱼汤很快到, 很足料, 有鸡肉猪肉海底椰等等. 很香很甜好合我口味. 应该系冇味精, 所以饮完冇口渴. (ps 我是中汤怪!!) 其实鳄鱼煮熟系点架? 我觉得好似猪肉咁. 外国同事问我边D系鳄鱼肉? 我系完全唔识答 - 好味咪得啰!!
大笪地鸡煲等左差不多45分钟先到. (我地吹左2次单) 真系十分新鲜滚热辣上枱. 一路食个煲一直咋咋声. 大笪地鸡煲味道有D似台湾三杯鸡, 当然没有紫姜和九层塔的香味. 炒香的姜荵味加上蒜头和辣椒, 令鸡件十分入味. 而鸡件本身都几新鲜, 肉质几滑, 一D都唔鞋. 这个煲送饭一流!
差不多食完个鸡煲, 个staff走过来加清汤我地开始round 2 打边炉. 以为加清汤后边炉可能味道比鸡煲浓味盖过, 其实都仲好有味, 煮完D肥牛同薯粉唔点豉油都OK. 边炉配料我地叫D大路野- 肥牛,丸类, 鲩鱼, 菜,响铃等等, 大致新鲜正常.服务方面, 都系一般大排档服务. 可能比较少staff, 叫人加单和加茶都要好多次先有人理. 另外我地同隔离几枱都追几次鸡煲先有.
总括来说, 外国同事们都欣赏鸡煲这地道美食同体会香港人生活繁忙. 仲叫我下次再带佢地来!
张贴
