雞翼山 (T.O.P This is Our Place)

营业中

休息中

今日行过鸡翼山见好多人帮趁，之前已经听过佢个名，知道佢主打唔同口味嘅鸡翼，朋友食过话都几好食同价钱唔贵，就一于试下。鸡翼山店面唔大，主要做外卖，店内只有几个座位，另外靠墙位有枱俾人堂食。食客喺柜枱落单同俾钱后就可以等叫号码。鸡翼山有十款不同口味鸡翼同四款冷热饮品，单点鸡翼$38/4只或$48/6只，如果想试唔同口味鸡翼，叫set就会抵啲，我就点左$118/12只鸡翼+一杯饮品，当中鸡翼最多可以拣三款口味。鸡翼都系即叫点炸，所以都要等几分钟先有，店内除左叉，仲有胶手套提供，都算贴心。港式避风塘蒜香鸡翼鸡翼热辣辣，避风塘蒜香咸咸辣辣几惹味，蒜香味好突出，鸡皮炸得好脆但唔会太油。鼠尾草咸蛋黄哥鸡翼成只鸡翼表面都系咸蛋黄酱，入口咸蛋黄味超浓郁，非常邪恶！橘柚片片白雪鸡翼鸡翼表面柚子酱，白雪其实系糖霜，鸡翼入口甜甜地，都几好食。番石榴香妃绿茶番石榴香妃绿茶系少甜版，感觉比较健康，番石榴味唔太突出，味道普通。总结，鸡翼口味几多同特别，鸡翼热辣辣每一款都各有特式几好食，set比散叫抵食，不过堂食位唔多，建议外卖。