Outdark (飛達商業中心)

营业中

休息中

上到中心2楼，见到电梯口同走廊位企满人，原来大家都喺度等待入座。于Openrice book 左7:30pm，眼见门口店员不停翻揭订座名单，再逐个打电话，邓佢感到忙乱。终于见到店员准备打俾我，8:05pm左右获安排入座。柚子米酒看似白粥咁，上面有啲小冰块保持温度，用木杓分落小碗饮。柚子味好香，而且混入大量柚子皮，感觉好清新。成餐饭最喜欢呢个，其实冇咩饮酒感觉，而且够清新，食完辣同炸野饮好合适。然后期待已久ge芝士炒鸡到了，好多芝士，好邪恶。中间系鸡、年糕同芝士，另外再有饭、菠萝、泡菜、炉边蛋。眼见芝士慢慢溶化，炉边蛋都浮起，急不及待开始食。到店员黎到帮我地炒ge时候，芝士都变焦了。店员再为我地加添芝士，再等芝士溶，店员都好忙，为免芝士再烧焦，我地自己炒。个人觉得唔算好辣，鸡粒唔系炸鸡，唔洗怕热气。三个人食份量刚好。眼见附近食客都有好大份炸鸡+脆薯，令我地都好想食，于是叫左脆薯三重奏，份量唔算，食落好似有蜜糖同牛油味咁，都几好味。海鲜炒粉丝同样唔算大碟，上面有好多八爪鱼仔、虾、蛤，味道唔错，有海鲜味。