Yadllie Plate 야들리애플래이트 (海之戀商場)

呢间人气韩国菜一定唔陌生，荃湾西同旺角都有分店，除咗出名炸鸡外，餐牌仲有好多选择，所以每次去都可以试吓唔同食物，而家平日有午餐set，午市散叫也会有折扣优惠。装修用咗Navy Blue 深蓝色好靓，坐位又阔落好舒服。我哋叫咗份午餐再散叫一些食物，午餐包新鲜泡菜同埋沙律。🧡海鲜拌炸酱面🧡份量好大份好足料，海鲜也很多，有虾、鱼、青口等，炸酱有肉粒、薯仔、洋葱等，配以青瓜丝、韮菜一起拌匀食好好味，面质也很滑。🧡街头霸王🧡呢个炸物拼盘好丰富，有炸饺子、紫菜卷、芝士条、葱丝、辣椒、无骨鸡，全部都炸到热辣辣脆卜卜，一定要记得沾配的 2 款酱都好好食，我最钟意个炸饺子（里面系泡菜洋葱韩式粉丝馅），老公就最喜欢炸芝士条，可以拉丝😁。🧡陆军部队锅（牛肉） 🧡我哋拣咗唔辣的酱油味汤底，清清地几好，材料好丰富，除咗韩式烧牛肉，仲有午餐肉、肠仔火腿、菇类、年糕、萝卜、蛋豆腐等，仲会配个辛辣面，呢个真系超级丰富满足☺️💜草莓乳酸梳打💜💜香蕉沙冰💜饮品颜色卖相好靓，好大杯，少少甜几好饮。