影片
更多
2016-04-02
934 浏览
记得有一段时间小妹个个星期都会食韩国野，但过咗个段日子后就好耐都无食噜。最近有中同约我食饭，竟然想食韩国野！咁就由佢话事啦。中同带咗我嚟呢个三清洞摩西，原来呢间系新开嘅分店！场入面有好多oppa呀，讲哂韩文，唔讲真系以为自己去咗韩国！原来老板都系韩国人，个日仲见到佢亲自落铺呀。呢到落单有啲特别，要叫人头数目嘅部队锅。有海鲜，芝士，烤肉，部队同杂菜五个味选择，我同朋友两个人就叫咗芝士同海鲜。另外仲有配料同粉面类可以加的，我地要咗拉面面同埋韩式粉丝。另外仲加咗鸡蛋同饺子，千奇唔好睇小两个女仔嘅食量！xd部队锅会先加上所有我地选好嘅配料，煮好一大锅上枱，等我地可以一路热住食。红红嘅一锅，可能要就番香港人嘅口味，我觉得唔算太辣，仲带点甜味。海鲜锅有青口同鱿鱼，吸咗汤底嘅味道，而且带小许弹牙。芝士则铺咗系锅上，上枱时仲未溶咖！我地望住啲芝士慢慢溶落锅中，夹野食时芝士不断拉线，真系心心眼哂即刻！无计啦，小妹系个芝士怪麻! 锅中基本配料有鱼糕，年糕同一啲菜。鱼糕有啲似扁身嘅鱼片，淋淋地吸咗辣嘅味道，好入味。年糕都好正，口感烟烟韧韧，唔会好硬，同芝士一齐食最适合不过。食拉面同韩式粉丝都系部队锅嘅精髓呢
最近有中同约我食饭，竟然想食韩国野！咁就由佢话事啦。
中同带咗我嚟呢个三清洞摩西，原来呢间系新开嘅分店！场入面有好多oppa呀，讲哂韩文，唔讲真系以为自己去咗韩国！
原来老板都系韩国人，个日仲见到佢亲自落铺呀。
呢到落单有啲特别，要叫人头数目嘅部队锅。
有海鲜，芝士，烤肉，部队同杂菜五个味选择，我同朋友两个人就叫咗芝士同海鲜。
另外仲有配料同粉面类可以加的，我地要咗拉面面同埋韩式粉丝。另外仲加咗鸡蛋同饺子，千奇唔好睇小两个女仔嘅食量！xd
部队锅会先加上所有我地选好嘅配料，煮好一大锅上枱，等我地可以一路热住食。红红嘅一锅，可能要就番香港人嘅口味，我觉得唔算太辣，仲带点甜味。
海鲜锅有青口同鱿鱼，吸咗汤底嘅味道，而且带小许弹牙。芝士则铺咗系锅上，上枱时仲未溶咖！
我地望住啲芝士慢慢溶落锅中，夹野食时芝士不断拉线，真系心心眼哂即刻！无计啦，小妹系个芝士怪麻!
锅中基本配料有鱼糕，年糕同一啲菜。鱼糕有啲似扁身嘅鱼片，淋淋地吸咗辣嘅味道，好入味。年糕都好正，口感烟烟韧韧，唔会好硬，同芝士一齐食最适合不过。
食拉面同韩式粉丝都系部队锅嘅精髓呢！
面煮咗一段时间后吸收哂汤嘅味道，加上半溶嘅芝士，融合咗系面之间。
个人中意将面同粉丝一齐食，因为有两种口感同时系口中，好特别。
最后唔小得嘅当然仲有芝士炒饭。系韩国系会将锅中余下嘅小小配料同汤用嚟炒，呢到就系整好咗送上枱。等喂食仔仲以为有oppa系面前炒饭): 不过唔紧要，好食就咩都得！饭中有好多芝士同紫菜，其实呢个系一个湿炒饭，食落5系中菜个种干身有火喉，但口感湿湿地有啲辣同芝士味又几好食嘅。
韩风真系唔会断，个日我地早早去到，食到中段时全场都爆满了呢！
张贴
