李家 (華發大廈)

营业中

休息中

老公突然话想食炸鸡～ 见之前系公司开 party 时，同事叫过黎食，食过味道唔错，所以带老公黎试下。两个人又想试下唔同味嘅炸鸡，好彩餐厅有得自选半半炸鸡，即系可以拣两只唔同味道。啱晒少人而又想食唔同味嘅客人。入座后，侍应会送上两款前菜：椰菜沙律、酸萝白甜辣炸鸡 $98蜂蜜大蒜炸鸡  $113自选半半份量超多，一上枱我地都吓左跳。每份炸鸡大约有 7 -8 件，好抵食。炸鸡上枱热辣辣，粉浆好薄，外皮炸得好脆口，内里肉质好 juicy。蜂蜜大蒜炸鸡酱汁甜甜地，加入原粒大蒜，蒜味香浓，食落好香口。甜辣炸鸡酱汁甜甜辣辣，超食超开胃。牛肉炒粉丝  $158炒粉丝可选猪或牛。粉丝份量超多，应该足够3-4个人食。粉丝烟韧程度刚好，牛肉配料都几多，味道唔错。Apple Cider Rita $88天气太热，食炸鸡当然唔少得叫杯吸精嘅Apple Cider Rita，梳打水混入苹果酒，味道清新带苹果香气，消暑的恩物。