Terrace in seaside (SOHO West)

营业中

休息中

作为街坊嘅我知道屋企附近间Soho West 酒店开咗几间餐厅，当然要一一去试吓啦！今次就先试呢间韩式Cafe 《Terrace in Seaside》， 去到就见到每个店员头顶都戴住顶柑橘画家帽非常之可爱，感觉好亲切呀！🍊🍊🍊我哋拣咗个可以望到海嘅位置坐低，再点咗几样受欢迎嘅嘢食…🤤🤤🤤🌟人生迷芒的芒果沙冰呢期当造嘅时令生果一定就系芒果啦！所以就点咗呢杯芒果沙冰，饮落清甜又冰凉解渴，上面仲有半个芒果肉添！超正呀！🥰🥰🥰🌟济州柑橘乳酪呢杯绝对系呢间店嘅人气特饮，我见每一张枱都会点一杯的！咁佢嘅卖相又真系几可爱嘅，用上原只嘅柑橘放喺杯顶，而且饮落酸酸甜甜，非常之啱夏天饮！推荐呀！🍊🍊🍊🌟烧酱油黑毛猪白切肉紫苏饭烧酱油黑毛猪白切肉不油也不腻，紫苏饭又好香，两者都非常之夹😋😋😋🌟粒粒鱼籽与三文鱼蛋黄酱饭卷我个人几钟意呢一个饭卷，脆卜卜嘅鱼籽加上Creamy嘅三文鱼蛋黄酱嘅组合，正正就系我钟意嘅口味😍😍😍🌟芒芒夏日芒果窝夫最后嚟一个芒果窝夫甜品，窝夫外脆内软，芒果肉鲜甜，绝对令今晚呢餐画上完美嘅句号😝😝😝最正系大概六点几嚟呢度食晚餐可以见晒日与夜唔同嘅景色，望住个海同咁靓嘅景食嘢都几Chill