蘇媽.蘇媽馬來西亞茶餐室 (已結業)

一直都知苏妈苏妈好受欢迎，平时好多人排，咁岩今日人唔算好多，就特登黎试下。首先叫肉骨茶，由于我同朋友食量唔大，费事叫太大份，就拣咗百吉爹肉骨茶（猪脚弯）（$48）。以前食过新加坡式嘅肉骨茶，胡椒味比较重，自己唔食得辣就麻麻地想叫，而呢款马来西亚或就有比较浓嘅药材味，有少少回甘。猪脚弯都算淋，几入味。自己想食面又怕辣，叫左怡保鸡丝汤河粉（$55），味道比较清淡，但由于除左鸡丝外都有几只虾，所以汤头都有少少虾味，重口味嘅人可能就要加入酱。最后叫左椰香咖央多士（$28 ），烘得香脆，但味道偏甜，椰香味偏重，但似乎咖央味就好似偏少啦。