Homeland (東昌街) (已結業)

大埔嘅黄店cafe，黎到嘅时候都系6点未到晚饭时间已经坐半左一半人，睇黎系区内都非常有人气。店外同店内都系工业风嘅装修风格，店内嘅装饰大部分都系文宣💛今次黎就系想试下佢地嘅手工意粉喇🍝👉🏻单眼佬话梅蜂蜜手工啤酒 $68惊喜之作😯其实只系得4%酒精，饮落似果汁，话梅带少少咸味同酸味，仲有蜂蜜嘅甜味同埋麦香味！每种味道好匀称亦非常夹，好好饮🤩想要半打带番屋企😏👉🏻松露忌廉芝士酥炸鸡翼 $68松露酱同鸡翼都几夹，刚炸好嘅鸡翼脆身，但略嫌腌得唔太入味。如果入味啲会更好👉🏻鳗鱼炒蛋开边法包三文治沙律 $108有牛油果沙律、烟肉、香肠、烟三文鱼、少蛋鳗鱼多士，材料非常丰富，鳗鱼口感软熟，配埋炒蛋最适合不过🤤👉🏻海鲜自家制墨汁乌冬 $118摆盘精美，斋睇都令人食指大动🤩店内手工制作嘅墨汁乌冬，弹牙又烟韧，我选择左香辣番茄汁，酸甜开胃又惹味，酱汁较浓稠，令每一条乌冬亦沾满酱汁！而且各款海鲜都系好新鲜～绝不马虎！