影片
更多
2015-04-24
3546 浏览
旺角最近最热嘅食店一定系牛気，今日终于有机会试下。食过好多间类似嘅日式牛涮锅店，哩间真系试过当中最正嘅！拣左中价位$178嘅极上美国牛肩肉。汤底就系各位都推介嘅寿喜烧。之前食寿喜烧都觉得味道较浓，食耐左会有d腻，好快就饱。
哩只寿喜烧味道唔太甜，配合牛肉好夹。根本唔需要点任何酱汁，已经够哂味，寿喜烧嘅甜味令牛肉味更出，第一次嚟一定要加$10试哩款汤底。
附送嘅三文鱼刺身好滑好肥美。跟住就系今晚嘅主角牛肉喇！其实极上美国牛肩肉已经好靓，色泽鲜红，肥瘦适中，油脂刚好。薄薄一片，滚几下就食得，牛肉味够无雪味，而且够嫩。其他火锅店追加肉质素会差好多，但牛気真系保证碟碟都咁靓！
睇下追加嘅牛，仲靓过第一碟，真系忍唔住要食多几片回本呀！豚肉都好食，因为够薄，所以唔鞋，食豚肉点麻酱就最夹。鸡肉就麻麻。火锅酱料自己调较，大路嘅都有齐。另外火锅配料选择亦够精。
最令人惊起系有大大只嘅螺肉任食，螺肉真系好大件，够厚实够咬口，又无沙，系回报之选。
丸都有好几款，最爱绿色嘅呑拿鱼丸，墨鱼丸就好弹牙，台湾肠仔都好好食。墨鱼滑好多人拎，几弹牙。另外蕃茄好新鲜好甜，平时少食嘅木耳估唔到几好食，够爽，沾上汤底甜甜地，
哩只寿喜烧味道唔太甜，配合牛肉好夹。根本唔需要点任何酱汁，已经够哂味，寿喜烧嘅甜味令牛肉味更出，第一次嚟一定要加$10试哩款汤底。
附送嘅三文鱼刺身好滑好肥美。跟住就系今晚嘅主角牛肉喇！
其实极上美国牛肩肉已经好靓，色泽鲜红，肥瘦适中，油脂刚好。薄薄一片，滚几下就食得，牛肉味够无雪味，而且够嫩。其他火锅店追加肉质素会差好多，但牛気真系保证碟碟都咁靓！
睇下追加嘅牛，仲靓过第一碟，真系忍唔住要食多几片回本呀！
豚肉都好食，因为够薄，所以唔鞋，食豚肉点麻酱就最夹。鸡肉就麻麻。
火锅酱料自己调较，大路嘅都有齐。另外火锅配料选择亦够精。
最令人惊起系有大大只嘅螺肉任食，螺肉真系好大件，够厚实够咬口，又无沙，系回报之选。
丸都有好几款，最爱绿色嘅呑拿鱼丸，墨鱼丸就好弹牙，台湾肠仔都好好食。墨鱼滑好多人拎，几弹牙。另外蕃茄好新鲜好甜，平时少食嘅木耳估唔到几好食，够爽，沾上汤底甜甜地，好夹。
另外乌冬同拉面质素不错，细细份。无饭不欢嘅可以试下咖喱牛肉捞饭，日式咖喱汁唔辣，而且牛肉好大件，真材实料。
好钟意个沙律吧，系等紧个汤滚时可以食下野，推介日本小蕃薯，好甜。
甜品都几精美，有一杯杯奶冻，但太饱无试。和菓子同香蕉冰卷真系几烟韧，红豆甜味刚好，香蕉就甜左d。椰汁糯米不太甜，几好，不过食完好滞，share就啱啱好。最正嘅甜品就系原味乳酪，食左几杯，酸酸甜甜，又够滑，好啱消滞。绿茶雪糕就较失色，无咩绿茶味，而且质地系沙冰同雪糕之间，有d怪。
饮品都系自己拎，有齐大路嘅汽水，亦都提供两款茶包冲热茶。牛気果然系够哂牛气，牛肉质素高，上肉又快，绝对系大胃王食肉兽嘅天堂。
张贴
