東京淺草炸雞專門店 (黃大仙中心南館)

营业中

休息中

日本东京浅草人气炸鸡喺香港开业，头三日仲有优惠(其实都系平几蚊)，就好似一兰啱啱开咁，引来一大班人黎排队，由商场入面排到商场出面，目测百几人，喺商场出面排太阳晒住好热，点知排到商场入面个冷气废废地，都系好热，排左差唔多个半钟，终于入得。餐厅好细，10张枱唔够，40个位都冇，怪唔之得要等咁耐。新开张期间有三个餐拣，两个减4蚊，一个减10几蚊，梗系食减10几蚊𠮶个啦！坐低叫左无耐，好快就有得食。呢个系餐厅嘅招牌定食，四件鸡，配三款酱料，有蒜蓉、辣辣地嘅芝麻蒜蓉、同埋甜甜地咸咸地嘅酱油，味道都OK，但食得出好重味精。炸鸡份量都OK，味道一般，冇咩特别，略嫌炸粉太厚，但食到最后觉得食到个口好鞋。短期内都唔会再嚟。