簡品堂

营业中

休息中

旺角东地铁站有间麻糬波波面包店长期大排长龙，除此之外亦有多款手工面包、蛋糕、蛋卷等烘焙美食供应。平日晚上到访基本上已经冇晒嘢可以拣，有心嘅强烈建议大家早啲去帮衬🥲招牌麻糬波波有12款口味，一袋有5个，大大粒，面包口感软绵，里面包住QQ麻糬馅，烟烟韧韧好好味呀！另外推介旺角分店先有嘅QQ球，特别系有脆皮嘅，双重口感令人一试难忘。糯米糍口味比想像中多，而且仲有几款系新推出嘅，开心果 、榛子、芋泥、柠檬、阿华田、软软糯糯，馅料香甜，老少咸宜。开心果拉丝夹心麻糬扁牛角可颂都唔错，酥脆可口，近期大Hit。作为包控当然唔少得试埋呢度嘅面包，斑斓汤种吐司有四大片，十分厚切，一打开个包装就闻到淡淡嘅斑斓香气，咬落松软，性价比高。另外有伯爵茶海绵蛋糕，湿润程度适中，下午茶一流。甜点方面有焦糖布甸麻糬朱古力蛋糕，细细一个，共三层，上面系焦糖布甸，中间有软熟嘅麻糬，下面就系朱古力蛋糕，呢个搭配都几match，层次感丰富。饮品有樽仔奶茶，奶香气突出，亦唔会盖过茶味，值得一试。