影片
更多
2024-11-13
1508 浏览
今日过开嚟旺角朗豪坊，见到原来开咗喺北海道人气汤咖哩，好多人食就试下先。 适逢餐厅推出秋祭小食，我哋都拣咗几款，分别系脆紫菜日本川海老 （$48）、炸薯条配黑松露酱（$28），非常优惠抵食。 日本川海老：海老炸到脆卜卜，连个虾壳都可以一齐食埋，味道鲜甜。配合香脆嘅紫菜，味道更为提升。 另外再叫咗个鸡皮饺子，外皮金黄酥脆，内馅软嫩多汁。鸡皮油香十足，馅料亦都好饱满。 炸薯条配黑松露酱：薯条炸得金黄香脆，而且热辣辣，薯味浓郁，点埋个黑松露酱真perfect！ Suage Special 汤咖喱：有唐扬炸鸡、司华力肠、日本厚切烟肉、脆皮鸡腿肉串，非常丰富。唐扬炸鸡炸得金黄香脆，食落有烫口感，咬落去亦好juicy。 炙烧豚角煮汤咖喱：如果第一次食，呢个绝对系必点。汤咖喱套餐方面可以拣白饭、拉面或乌冬，再有3款唔同汤底可以拣，普通原味汤底就唔使加钱，至于樱花虾浓汤同埋特选限定就要加$10，大家亦都可以按照自己喜好要嘅辣度。另外可以另加配料同蔬菜。 一上台先先尝一尝个汤咖哩，汤头非常清爽，不算太过浓稠，咖喱味道恰到好处，唔会太过咸味。汤底用咗大量北海道出产嘅洋葱、蕃茄等蔬菜熬制而成，并加入多种香料
今日过开嚟旺角朗豪坊，见到原来开咗喺北海道人气汤咖哩，好多人食就试下先。
适逢餐厅推出秋祭小食，我哋都拣咗几款，分别系脆紫菜日本川海老 （$48）、炸薯条配黑松露酱（$28），非常优惠抵食。
日本川海老：海老炸到脆卜卜，连个虾壳都可以一齐食埋，味道鲜甜。配合香脆嘅紫菜，味道更为提升。
另外再叫咗个鸡皮饺子，外皮金黄酥脆，内馅软嫩多汁。鸡皮油香十足，馅料亦都好饱满。
炸薯条配黑松露酱：薯条炸得金黄香脆，而且热辣辣，薯味浓郁，点埋个黑松露酱真perfect！
Suage Special 汤咖喱：有唐扬炸鸡、司华力肠、日本厚切烟肉、脆皮鸡腿肉串，非常丰富。唐扬炸鸡炸得金黄香脆，食落有烫口感，咬落去亦好juicy。
炙烧豚角煮汤咖喱：如果第一次食，呢个绝对系必点。汤咖喱套餐方面可以拣白饭、拉面或乌冬，再有3款唔同汤底可以拣，普通原味汤底就唔使加钱，至于樱花虾浓汤同埋特选限定就要加$10，大家亦都可以按照自己喜好要嘅辣度。另外可以另加配料同蔬菜。
一上台先先尝一尝个汤咖哩，汤头非常清爽，不算太过浓稠，咖喱味道恰到好处，唔会太过咸味。汤底用咗大量北海道出产嘅洋葱、蕃茄等蔬菜熬制而成，并加入多种香料，味道浓郁。
角煮豚肉就系成碗嘅灵魂，十分之有口感，肥瘦适中，烧香咗嘅叉烧入口即溶，非常好味！溏心蛋亦够流心😋
餐厅除咗可以堂食之外，亦都有外卖饮品同埋雪糕。
张贴
