Urban Coffee Roaster (Fashion Walk)

营业中

休息中

之前以为UCR铜锣湾店撤出后搬去将军澳，原来一切都系误会。UCR已经喺Fashion Walk以新面目示人。新装修感觉比往日更舒适。去得UCR，当然要饮返杯咖啡啦。我今次就点咗Dirty。香浓嘅咖啡，味道柔润。再加上热Espresso同冻牛奶嘅双重口感，系好好嘅选择。另一杯Ruby Booster，睇完餐牌都唔知咩味。第一啖入口好强烈，甜、酸、辣。野莓、姜同朱古力、看似一啲都唔夹，但饮落又唔差。红酒烩洋葱手撕猪汉堡手撕猪嘅份量都当当可观，配上汉堡常用嘅酱汁，味道唔错。洋葱充满红酒香之余仲好甜好好味。成个汉堡唯一缺点就系差啲薯条。松叶蟹肉饭配炸软壳蟹原只炸软壳蟹够哂吸睛，影相打卡一绝。软壳蟹酥脆鲜香。饭除咗松叶蟹肉、仲有蟹籽、温泉蛋、青瓜，捞匀嚟食，好有捞起feel。味道清爽又惹味。焗金文笔芝士配多士.新鲜黑松露法国人民最爱嘅芝士之一。淡黄色，软绵得嚟带少少咸。最紧要系趁热食。再加上新鲜黑松露，整个菜式简单得嚟又带一点点邪恶。不过最重要嘅，当然系好好食，好享受啦。最尾食埋三重朱古力冻饼，朱古力味够哂浓郁，甜而不腻。