小王牛肉麵 (已結業)

 放假去沙田log on买礼物比朋友，星期六的新城市广场真系人山人海，好多操国语人仕出没……每间野食都爆晒，间间都排长龙，于是我同屋企人就决定买完野先食饭，避左个lunch　hour。 行完买完野连city super都去埋后，大约下午两点半，应该少人啲喇挂。我地最终去左连城商场上面果堆餐厅街度揾食。最后就拣左小王。呢间野我知道晌赞石山广场都有，不过一路都未去过，两点半时仲有几个人晌度等位，都几爆下。我地等左10分钟左右就入得。 我同屋企人两个叫左个蚵仔煎（蚝饼）、猪扒鲁肉饭同埋半牛半筋面。 个蚵仔煎首先到，煎得好脆，外面脆时里面就稔，而且好烟un，粉调校得好好。唯一要弹系佢果个类似pizza碟咁既木容器，感觉非常之油，因为佢地无放到吸油纸，睇张相见到佢俾啲油浸到黑晒都知。　猪扒鲁肉饭，鲁肉唔够香，猪扒就好硬下，不过调味方面就好好，好入味，连配菜的瓜都系下左功夫，值得一赞。半筋半牛面，汤底一流无味精，面有咬感，牛肉非常稔而入味，基本上无批评的地方。　整体黎讲，坐得舒服食物质素亦高，难怪成日爆场，不过埋单两百几蚊，以一饭一面一小食的午餐来说，唔算得系好抵，但我都会再来。下次可能试下赞石山