喵一下 (已搬遷) 新店位置

收工行到pmq，时间尚早，入到餐厅觉得装修几别致，但企左一阵都冇人理我哋😥地方都唔细，几多位，因为冇乜人去，所以任你坐边Menu都几多野拣，选择比一般台式料理多，尤其系啲菜，全部都未食过，亦都未喺其他地方见过（或者其他地方唔同名？）价钱非常相宜，全部都系几十蚊一样野。叫左个清炒过猫，我谂落左单五分钟左右就上左碟菜，我已经心知不妙，一夹落口果然不出所料，肯定系即刻叮返热，因为有啲好热有啲系暖嘅🙄讲返味道就ok嘅，质感一咬落去爽爽地，咬咬下系滑潺潺，类似秋葵咁，未必个个钟意。茶熏鸡佐乌龙茶渍饭，个鸡几香，唔嚡，但又系唔热嘅😢个饭够热，茶渍饭咸咸地，混埋紫菜同少少黑芝麻都几好𩠌饭。宜兰葱馅饼，有少少似胡椒饼，系细件啲、馅少啲同埋炸左，卖相咁深色，加上系咁滴油，估计系翻炸🤦🏻‍♀️玫瑰洛神花茶，一睇咁深色就知中伏，𠮶种好人工嘅酸酸甜甜，系台湾风味嚟，只怪自己大意醒唔起台式饮品都一律系咁。人流太少，预先整好嘅食物难免质素较差，但啲野唔好食又好难令人再光顾，绝对系恶性循环。装修几有心思，价钱又平，如果味道好啲嘅话会考虑再嚟，可惜可惜。