粵舫老趙

营业中

休息中

估唔到平日8点几去到餐厅都仲有咁多人等位食饭，菜式选择太多有时都系一种烦恼，最终惊食唔哂，叫左四个𩠌菜，好彩冇叫太多，因为份量都几足，性价比都算高。啫啫排骨煲：上枱个时冒哂烟，成个煲‘滋滋’声好香既葱蒜味，排骨唔韧唔痴牙。豉汁蒸白鳝：白鳝口感爽弹，落单既时候另外要求左加辣椒，加埋辣椒食落更加鲜味。西湖牛肉羮：每一啖都有免治牛肉同芫茜既香味，唔会得味精汤味，味道咸淡适中，个晚饮左几碗之后都冇话好口渴。咸鱼鸡粒炒饭：最怕炒饭太湿同太咸，呢度既炒饭相当有水准，炒饭粒粒分明，有镬气得黎又唔会太油。𩠌菜基本上都好够镬气，价钱又公道，难怪餐厅人来人往，下次有机会仲想再试下其他菜式。