大排檔小炒 (金豐商業大廈) (已結業)

大排档小炒除保留昔日大排档风味特色同够镬气外，更严选新鲜上等食材配搭。除咗湾仔天乐里店，附近铜锣湾都有多间分店，当日友人去到铜锣湾店员告知冇位不过湾仔有。即刻狗冲果去～拔丝咕噜肉选用新鲜梅头肉，即叫即造确保外皮口感香脆入面肉质软，酸酸甜甜大人细路都咁钟意。每次必点之选黄金虾原只大虾裹满邪恶既黄金战衣，浓郁既咸蛋黄香又惹味，虾肉爽口弹牙但系原只连壳上引发究竟吞唔吞食啲壳既疑惑，友人坚持话蟹壳素减肥大法系一定要食晒 😂。椒盐鲜鱿又系大排档永恒之选。呢度做到炸粉够薄兼且唔油腻，金黄色既鲜鱿口感爽口，好食糯米饭口感烟韧，香气十足，不过略嫌食落有啲油同埋唔够干身。当然，最重要系同一众好友一齐战斗到底～啤一啤又系一个好开始～