影片
更多
2024-12-07
0 浏览
一家人book 左食冬至全包晏 （一席 12人）𩠌菜味道一般都唔紧要，本身都冇乜期望只要正正常常都冇乜问题，我地食到其中一道冬菇炆鹅掌的鲜冬菇唔新鲜，有酸味。我哋向佢地反应，佢地只系夹走冬菇并冇成碟换比我地，只系向我地补返冬菇 ，ok, 我地唔介意接受，但系就等到差唔多食完都仲未补返。因为我地仲有一道𩠌未到！ 全包宴的糯米饭，我地前后追单3次，每次换来只有「等多阵，追左厨房，黎紧。」 结果我地等左1个钟都仲未到！当然啦，甜品都唔见踪影，整整成个钟斋「等」，冇任何补偿，你上个甜品都好呀？ 其实都发现有好几围枱都系咁。 等紧期间，佢地终于补返个冬菇比我地，味道方面唔讲啦，唔系坏食得落就算。咁个饭同甜品呢？眼见有糯米饭出啦，点知又比左隔离枱先，我地系第一枱落单早过隔离枱入席，点解唔系比我地先？我地等极都冇，我地一家人决定叫佢地取消扣返啲钱就了事。好啦！到埋单又扰攘咗半个钟都有，事因餐厅一开始话因为系优惠套餐，如果只扣一道菜其他菜就要按返单点价钱计，合理咩？ 他地就话一系叫我地等埋个饭打包拎走，吓？仲等？错在佢地，我地又唔系一开始就唔要个饭，佢地仲话个甜品系送既，唔会当一个𩠌扣返钱比我地，佢地
𩠌菜味道一般都唔紧要，本身都冇乜期望只要正正常常都冇乜问题，我地食到其中一道冬菇炆鹅掌的鲜冬菇唔新鲜，有酸味。我哋向佢地反应，佢地只系夹走冬菇并冇成碟换比我地，只系向我地补返冬菇 ，ok, 我地唔介意接受，但系就等到差唔多食完都仲未补返。因为我地仲有一道𩠌未到！
全包宴的糯米饭，我地前后追单3次，每次换来只有「等多阵，追左厨房，黎紧。」 结果我地等左1个钟都仲未到！当然啦，甜品都唔见踪影，整整成个钟斋「等」，冇任何补偿，你上个甜品都好呀？ 其实都发现有好几围枱都系咁。 等紧期间，佢地终于补返个冬菇比我地，味道方面唔讲啦，唔系坏食得落就算。
咁个饭同甜品呢？眼见有糯米饭出啦，点知又比左隔离枱先，我地系第一枱落单早过隔离枱入席，点解唔系比我地先？我地等极都冇，我地一家人决定叫佢地取消扣返啲钱就了事。
好啦！到埋单又扰攘咗半个钟都有，事因餐厅一开始话因为系优惠套餐，如果只扣一道菜其他菜就要按返单点价钱计，合理咩？ 他地就话一系叫我地等埋个饭打包拎走，吓？仲等？错在佢地，我地又唔系一开始就唔要个饭，佢地仲话个甜品系送既，唔会当一个𩠌扣返钱比我地，佢地咁既做法完全唔合理。搞左一轮，佢地只肯扣返个饭嘅钱$80，期间仲揾个负责人出嚟，依位负责人道歉都冇句而且态度极差，身为负责人情商低责骂我屋企人，同我哋讲唔满意可以报警处理。
佢坚持全单只会减返$80，我地最后只能接受，因为唔想再同佢地浪费时间，但系都未能够即刻埋单又唔知等咩😡等佢打电话同上边确认。大佬呀，好心你就确定好先讲啦。究竟要浪费我哋几多时间，全家人系到等你哋。
依间野唔建议呀！！！服务极为恶劣！
张贴