那杯早餐紅茶 (已搬遷) 新店位置

我对嘢饮要求好低，珍珠唔使好有咬口，奶茶唔使好浓茶味，正常就得，但呢间野我买咗两次都劲难饮。「极品」，常人真系欣赏唔黎。第一次饮系仕女伯爵波霸鲜奶茶（推荐单品）第二次饮系普通珍奶。试完后我有以下三点感想：第一，奶茶有阵怪味，似系牛杂味（隔离系牛杂舖）怀疑系摆太耐沟咗味，真系好好好好好反胃。第二，啲珍珠浸到变糊状，一啲咬口都无，应该系朝早备完料就用足成日，或者根本系煮太耐。第三，店员态度极差。明明我买𠮶时都冇其他客，但等咗好耐一段时间，我费事企喺度等，就去附近买咗其他嘢先，点知返到嚟发现仲未有，店员喺内厨度hea紧。今日我屋企人路过见佢新开就买咗黎试（系我衰，唔记得同佢哋讲🥲）佢买𠮶阵手上揸住好多嘢，冇手攞两杯珍奶，但个店员顾住同frd倾偈，完全无理到佢，唔俾袋要自己手提。我呢两次都净系试咗珍奶，所以唔排除佢其他嘢（英式茶）做得好，但一间有卖台式饮料嘅铺头，连最基本嘅珍奶都咁难饮，自己嘅推荐产品都做得唔好，咁恕我好难对呢间店嘅其他产品产生期待。黄店唔系免死金牌😇你黄唔代表就会个个都肯无条件撑你，俾少少心做啦🤏唔系就等执。