影片
更多
2021-10-09
3468 浏览
今年妈咪生日，决定同佢食想食好耐嘅半岛buffet😍听讲环境靓，服务好，食物质素亦都唔错～当日6:15去到，估唔到都已经有八成full，带位嘅女职员非常有礼貌，会帮客人拉櫈，同埋介绍返今次buffet主题～今次系东南亚主题，佢推介冬荫公汤🤣我最钟意嘅就梗系冻海鲜同刺身啦～冻海鲜方面有龙虾、蟹脚、青口、带子、虾同螺～我个人觉得龙虾同埋螺系最好食🤤龙虾一睇都知好新鲜，啲肉好有弹性同埋一啲都唔干，而螺就好饱满，亦都好鲜甜呀！另外三样我觉得系正常水平～仲有好signature嘅矶煮鲍鱼，妈咪最钟意呢个，肉质爽弹，我就觉得佢甜咗少少～不过book位时职员都已经讲咗系冇生蚝架喇😆大家都可以留意～同主流其他buffet唔同，刺身系可以比客人自己夹嘅～佢摆盘摆得好靓，款式都好多，有三文鱼、油甘鱼、吞拿鱼、帆立贝、甜虾同象拔蚌，当中帆立贝同象拔蚌就比较出色😆佢亦会有啲寿司款式，不过我就冇食到😆冷盘都有唔少沙律，同埋有我钟意嘅cold cut同芝士🧀去到热荤，冬荫公汤妈咪话一般，有啲咸，东南亚嘢食例如咖哩、巴东牛肉等等我就麻麻地，都冇咩点食🤣最吸引我嘅当然系烧和牛啦🥩😍切出嚟个样已经好靓仔，食落口牛味超浓
当日6:15去到，估唔到都已经有八成full，带位嘅女职员非常有礼貌，会帮客人拉櫈，同埋介绍返今次buffet主题～今次系东南亚主题，佢推介冬荫公汤🤣
我最钟意嘅就梗系冻海鲜同刺身啦～冻海鲜方面有龙虾、蟹脚、青口、带子、虾同螺～我个人觉得龙虾同埋螺系最好食🤤龙虾一睇都知好新鲜，啲肉好有弹性同埋一啲都唔干，而螺就好饱满，亦都好鲜甜呀！另外三样我觉得系正常水平～仲有好signature嘅矶煮鲍鱼，妈咪最钟意呢个，肉质爽弹，我就觉得佢甜咗少少～不过book位时职员都已经讲咗系冇生蚝架喇😆大家都可以留意～
同主流其他buffet唔同，刺身系可以比客人自己夹嘅～佢摆盘摆得好靓，款式都好多，有三文鱼、油甘鱼、吞拿鱼、帆立贝、甜虾同象拔蚌，当中帆立贝同象拔蚌就比较出色😆佢亦会有啲寿司款式，不过我就冇食到😆
冷盘都有唔少沙律，同埋有我钟意嘅cold cut同芝士🧀
去到热荤，冬荫公汤妈咪话一般，有啲咸，东南亚嘢食例如咖哩、巴东牛肉等等我就麻麻地，都冇咩点食🤣最吸引我嘅当然系烧和牛啦🥩😍切出嚟个样已经好靓仔，食落口牛味超浓超突出，但我唔记得咗影相😭另外我觉得都好好饮嘅系忌廉粟米汤🌽应该系用粟米打成蓉，再加忌廉入去煮，劲浓郁！可惜我太饱，饮唔到第二碗😢
另外，佢都有啲位上嘅食物，今次系炸软壳蟹，我觉得炸衣比较咸，一般般～
甜品方面我觉得都几多选择🤤呢度入面我觉得泰奶蛋糕几好食，味道都好突出～同埋个水信玄饼芝士蛋糕都几出色👍🏻佢仲会每人位上一碗杨枝甘露，味道正常发挥😄雪糕系一个未见过嘅品牌，有朱古力、云尼拿同士多啤梨味，不过我太饱，冇食到喇！
出面系冇饮品供应，只系有每人一杯饮品～
整体嚟讲，食物种类唔算好多，而且都唔系啲十分尊贵嘅食物，质素都算系唔错嘅～但出色嘅系环境、气氛同服务，想赞赞有位侍应好醒目，知道我妈咪冻，即刻拎件披肩比我哋，好细心🥰而帮我哋影相都非常有耐性同有礼貌，我觉得呢个价钱食返个氛围同埋服务，非常值得！用signature卡仲有9折，变相免加一😆
张贴
