Feather & Bone

营业中

休息中

路过一食，结果踩正地雷……Burger盛惠198，质素就背道而驰，价格非常高昂但仲衰过麦记，整个包入口嘅心得只有--干！劲干！面包本身好干，块patty毫无油水，一丁点都冇，全冇牛味，绞肉肉眼可见全部大块精瘦肉，口感极糙！完全唔系patty口感，又冇调味，整体似食嚿胶咁，芝士份量品质俱不足，完全食唔出咁滞，似有似无，洋葱又系生无法似焦糖洋葱咁润下嚿包，酱系现成mayonnaise又完全无调和过，又系俾极其少，又系食唔出，得块bacon好但系又俾得少简直杯水车薪，成个包又冇味！又干！差啲卡住吞唔落，仲收咁嘅价钱？！就连薯条都可以难食真系不得了，外皮唔脆，入面嘅芯唔系淀质口感，系好似苹果泥嘅口感，毫无薯味，贵过麦记几倍仲不如麦记，店家真系反省下。