影片
更多
2024-08-25
770 浏览
呢间野真系超级伏！！！绝对唔会再食第二次如果唔想睇咁长嘅，呢度系简略版：环境差+职员态度差+性价比超低+出餐超慢+隐藏嘅加一服务费🙄🙄1. 环境好差啲食完嘅枱完全冇人执，隔离枱食完嘅生蚝壳隔咗差唔多一个钟都冇人执，加上里面唔算好凉，会惹蚊虫2.职员态度好差我哋个炉一直都冇人嚟点(ps 啲野食已经到咗)咁我哋就举手嗌职员帮手啦，点知店里面个职员当我哋透明咁，三个人系咁挥手都好似睇唔到咁。我哋心谂佢可能见唔到我哋卦，于是出声嗌佢喇，点知佢望咗我哋一眼就走咗？？？最后听到佢好似讲普通话，用普通话讲「美女！」佢先抬头望我哋，劲无奈lor🙄利申自认已经好有礼貌咁用「唔该」，唔通真系要用普通话先至肯serve我哋？？？仲要个经理对我哋好似爱理不理咁，成日望咗我哋一眼就走，又系间铺闲逛，真心如果帮下个职员手可能佢都冇咁「忙」3.野食性价比超低啲串烧表面上系$13.8，但其实系一串嘅价钱。咁都算喇，话晒呢度系香港吖嘛，但佢规定要一次过落五串，结果要六十几蚊先至嗌到。咁到算喇，仲要D野串烧超干，又好辣好咸兼好少(明明备注咗系少辣，每串得三块指甲咁大嘅肉片)。 4.出餐速度 好 好 好 慢如上文，我哋三个
如果唔想睇咁长嘅，呢度系简略版：
环境差+职员态度差+性价比超低+出餐超慢+隐藏嘅加一服务费🙄🙄
1. 环境好差
啲食完嘅枱完全冇人执，隔离枱食完嘅生蚝壳隔咗差唔多一个钟都冇人执，加上里面唔算好凉，会惹蚊虫
2.职员态度好差
我哋个炉一直都冇人嚟点(ps 啲野食已经到咗)
咁我哋就举手嗌职员帮手啦，点知店里面个职员当我哋透明咁，三个人系咁挥手都好似睇唔到咁。我哋心谂佢可能见唔到我哋卦，于是出声嗌佢喇，点知佢望咗我哋一眼就走咗？？？
最后听到佢好似讲普通话，用普通话讲「美女！」佢先抬头望我哋，劲无奈lor🙄利申自认已经好有礼貌咁用「唔该」，唔通真系要用普通话先至肯serve我哋？？？
仲要个经理对我哋好似爱理不理咁，成日望咗我哋一眼就走，又系间铺闲逛，真心如果帮下个职员手可能佢都冇咁「忙」
3.野食性价比超低
啲串烧表面上系$13.8，但其实系一串嘅价钱。咁都算喇，话晒呢度系香港吖嘛，但佢规定要一次过落五串，结果要六十几蚊先至嗌到。咁到算喇，仲要D野串烧超干，又好辣好咸兼好少(明明备注咗系少辣，每串得三块指甲咁大嘅肉片)。
4.出餐速度 好 好 好 慢
如上文，我哋三个比价钱吓亲，净系嗌咗两份串烧(总共十支)同一份炒面。点知呢度咁少嘢我哋都等咗成九个字，仲要个职员系劲休闲咁慢慢行过嚟，拎住大托盘慢慢咁执几支畀我哋，我真系服咗😐两点几入去食，食完已经差唔多三点
最嬲系咁样嘅服务竟然仲要收加一？？早知我哋行远少少去前面打边炉好过💢💢听讲呢间野好似仲系大陆好出名，只可惜佢只系搬咗个菜，但冇搬到个服务态度同价钱👎🏻
真系占唔到人生第一次写食评就系因为间嘢太差💩如果唔系最低系一星，我连一星都唔想畀佢👎🏻
张贴