GRIND SIZE

营业中

休息中

星期六1:40去到话full晒，要留电话，话要等20至30分钟，OK冇问题，留完电话喺附近行一阵就喺门口继续等，等咗20分钟，侍应打电话俾我话有位，我啱啱就喺门口所以就入咗去，坐喺楼下近地图嘅位置，我哋两位，叫咗三文鱼手卷粉、士多啤梨奶昔、西班牙蛋饼、热latte。当时大概2点零几分。见到四周围嘅人都陆续有嘢食，亦都好多人入嚟叫外卖咖啡，以为人多，就等吓啦，半个钟头好快过，一杯嘢饮或一碟嘢食都未嚟。终于等咗40分钟，忍唔住问侍应，侍应话会帮我哋追追（我怀疑佢冇落到单），心想嚟啲嘢饮都好吖，我都会继续等。点知等多10分钟侍应走埋嚟话冇士多啤梨奶昔，我𠮶刻真系爆啦，2:50我哋等咗50分钟一样嘢都冇嚟过，跟住要追先至用10分钟话俾我听冇士多啤梨奶昔？我哋直接起身走人。呢啲系咩服务态度？一生人都未试过有咁嘅饮食体验。