喜遇 (已結業)

星期六下午3时左右, 湾仔好多餐厅都落场,见位于利东街既喜遇 价钱适中, 环境可以, 有空位,  自然走左入去。行入去之前，都有睇过ｄ人评语话一般般，所以坐底睇餐牌时候，两个都食拣稳阵野食。我地叫左一碗手撕鸡河粉，一个北京炸酱面，价钱＄６０－７０左右（未计加一）。恶梦开始。食左一啖手撕鸡，我真系未试过食ｄ前所未有咁＂鞋＂的肉，又无味又老，好啦，我都废是嘈啦，谂著净系食埋碗河粉填饱个肚走人，只不过碗粉ｄ汤又无味，衰过出面餐厅的清汤，我实在食不落肚。我唔明点解可以咁难食？？条气真系好唔顺，虽然唔系好贵，但点解连最基本的汤河都可以咁样俾客人食？后来，真系忍唔住同ｗａｉｔｅｒ投诉，佢话要同经理讲。当时我地都见到边个系经理，点解客人投诉，　个经理都可以唔出面讲句唔好意思！？完全系觉得唔收我钱就等于问题解决咁？到行出去埋单，　个经理负责收钱，佢个样系好鄙视我地，黑口黑面！！！！我对佢既态度系极度唔满意，我地而家无钱俾咩？（ｃａｎｃｅｌ左汤河个碗钱），您餐厅ｄ野难食到客人入唔到口，我点解唔可以投诉先？？？？？连碗北京炸酱都系硬食咋！！各位如果想试，　请自行考虑！