影片
更多
2023-01-04
133 浏览
一直住元朗都冇试过呢间神级omakase餐厅已经开左9年，可以讲系元祖级❗️拣左最多人拣嘅780 lunch set🥰超期待佢个云丹盛😋餐厅得12个位，要食一定要book‼️餐厅会先收订金❣️特上书任世膳($780)🥢渍物牛蒡、酱油渍蒜头、手撕姜片食哂师傅会再添，蒜头好食😆🥢前菜三味：沙律冇咩特别～水云醋物：系一条条嘅野，酸酸地又好滑溜，几开胃😛黑松露茶碗蒸：超香黑松露味🤩蛋又滑又鲜味😋🥢刺身四品：赤贝、鳕鱼白子、生蚝、𫚕鱼师傅会推荐进食嘅次序，由淡至浓～📍赤贝：起新鲜爽口，喺柠檬片上面有少少柠檬味，好fresh🥹📍🦪仙凤趾生蚝：仙凤趾我想食好耐了🥹超级大只，生蚝上面有少少啫喱醋解腻，一啖放入口好新鲜好正😝不过日本生蚝个味…真系好日本🤣📍烧白子：冬天白子当造，师傅会轻烤表面再加入少少酱油，我本身有少少抗拒但呢个完全冇𠮶种核突口感🤣同埋咁样处理完之后少少腥都冇！我最怕系腥！朋友表示好钟意😊师傅问我地知唔知白子咩嚟，隔离个客话我知！系咪肝！师傅：😅😅😅类似啦我心谂边忽类似🤣我谂系惊讲完佢唔想食🤣唔知嘅自己search啦下🤭📍𫚕鱼：即系深海油甘鱼，好重鱼味好好食😋有少少柚子胡椒平衡个腻感，我觉得唔
餐厅已经开左9年，可以讲系元祖级❗️
拣左最多人拣嘅780 lunch set🥰
超期待佢个云丹盛😋
餐厅得12个位，要食一定要book‼️餐厅会先收订金
❣️特上书任世膳($780)
🥢渍物
牛蒡、酱油渍蒜头、手撕姜片食哂师傅会再添，蒜头好食😆
🥢前菜三味：
沙律冇咩特别～水云醋物：系一条条嘅野，酸酸地又好滑溜，几开胃😛
黑松露茶碗蒸：超香黑松露味🤩蛋又滑又鲜味😋
🥢刺身四品：
赤贝、鳕鱼白子、生蚝、𫚕鱼师傅会推荐进食嘅次序，由淡至浓～
📍赤贝：起新鲜爽口，喺柠檬片上面有少少柠檬味，好fresh🥹
📍🦪仙凤趾生蚝：
仙凤趾我想食好耐了🥹超级大只，生蚝上面有少少啫喱醋解腻，一啖放入口好新鲜好正😝不过日本生蚝个味…真系好日本🤣
📍烧白子：冬天白子当造，师傅会轻烤表面再加入少少酱油，我本身有少少抗拒但呢个完全冇𠮶种核突口感🤣
同埋咁样处理完之后少少腥都冇！我最怕系腥！
朋友表示好钟意😊
师傅问我地知唔知白子咩嚟，隔离个客话我知！系咪肝！
师傅：😅😅😅类似啦
我心谂边忽类似🤣我谂系惊讲完佢唔想食🤣
唔知嘅自己search啦下🤭
📍𫚕鱼：即系深海油甘鱼，好重鱼味好好食😋有少少柚子胡椒平衡个腻感，我觉得唔落好食啲😆食佢嘅原味道😻
🥢料理一品：
汁煮吞拿鱼鲛🐟呢个我觉得唔算好特别，味道比较淡～
同埋好多鳞要翻开，因为连鳞煮旧肉先唔会散～
不过也不错啦～
❣️寿司八贯🍣
所以寿司饭都系有调味，可以唔使点豉油wasabi都得🤓
🥢北海道鲜带子：作为第一件寿司真系冇得输，加左少许岩盐同柚子皮带出带子鲜味同爽口🥹
🥢秋刀鱼寿司：熟嘅食得多，生嘅真系未食过😙想试好耐‼️生嘅秋刀鱼系季节限定，鱼肉非常肥美，鱼油香极重，系好特别嘅味道，完全冇令我失望！系今餐我最爱寿司top3😍💕
🥢北海道银鳕鱼：火炙过嘅银鳕鱼逼哂啲鱼油出嚟，质感滑身，油脂丰腴😋
🥢甜虾：大甜虾配上虾头虾膏熬煮嘅精华提鲜，不过略嫌虾膏大重味遮盖左虾肉本身鲜味🤔
🥢赤身：鱼肉厚身，师傅加入左秘制酱油同芝麻令鱼身更滑
🥢大拖罗：大拖罗当然系冇得输嘅🤣鱼脂香浓，加入香葱一啖放入口真系入口即溶😍少少筋都冇😙都系我最爱top3💕
🥢脑天：系吞拿鱼头顶嘅位置，一条鱼可能得1-2kg呢旧肉，所以非常珍贵‼️口感好松软，轻烧表面令到油份渗出，不过食完大拖我觉得大拖好食啲浓味啲😋
🥢右口鱼：左口鱼听得多，右口鱼都系第一次食😂师傅烧到著哂火咁，咩油脂都逼哂出嚟😆用紫菜包住成块紫菜都系油，超大件超多油劲夸张😛都系我top3之选💕
食材高级又新鲜🥰食到哂鱼嘅鲜味，就算好多鱼油都冇咩肥腻感😚
❣️云丹盛
终于嚟到成餐饭嘅重点，云丹盛‼️即系海胆三文鱼子丼🤗其实嚟到呢度已经几饱，所以师傅都会问你使唔使少饭，我呢个份量系少左饭～
见住师傅大pat大pat海胆放上个饭真系心跳加速💓应该系马粪海胆？三文鱼子腌渍过有少少酒香味，加埋金箔点缀，真系每一啖都都比海胆同三文鱼子包住嘅极致享受🥰🥰🥰幸福死了😙
❣️面豉汤：
呢个汤超好饮，唔系平时饮开嘅味道，好鲜甜😋仲有大量配料🫶❣️甜品：焙茶布甸🍮
布甸好浓茶味，有啲茶粉仲沉左底。本身布甸冇咩甜味啱哂香港人，加埋红豆花奶就啱啱好啦💕食完真系捧住个肚走🤰🏻
呢一餐真系无可挑剔‼️作为我人生第一餐omakase感到十分满意😛
同时都听到好多区外嘅人系特登嚟食，相信都真系口碑好好😋
如果想比惊喜另一半/屋企人，带佢嚟食呢餐我保证佢绝对满意😆😆
师傅开始之前都会问定大家有咩系唔食，食材都会根据季节调整，而家去食已经同我而家不尽相同啦～
张贴
