影片
更多
2024-09-15
408 浏览
《人生有限杯.串烧店 - 铜锣湾》想要狂欢，唔一定要等到星期五嘅，星期二都可以嚟个Happy Tuesday呀🤗收咗工之后，我就约咗Pu 妈 @pu.pu.purinn 一齐去铜锣湾饮番杯先返屋企😎天气咁热，最啱就系饮啤酒啦，我哋去咗一间新开冇耐嘅居酒屋食串烧同饮啤酒，睇到餐牌嘅时候都有啲吓亲，因为佢啲串烧真系几平下，平时出去食十几廿蚊既串串呢度$10起一串，啤酒$48大大杯仲要买一送一🥸餐牌上面最贵嘅食物都系唔过$68，仲要系主食嚟添🤓基本上可以唔睇价钱点晒自己钟意嘅嘢食✌🏻饮咗几杯最后埋单都系$600左右，好适合一大班人过嚟热闹热闹😜当晚好多台都系大枱，所以当晚气氛都几好，讲吓当晚食咗啲咩先🤭💁🏻♀️椒盐烧鸡皮 $10💁🏻♀️港式蜜糖烧菠萝 $10💁🏻♀️话梅粉烧车厘茄卷 $15💁🏻♀️烧鲜鸡肾 $20💁🏻♀️老油条酿墨鱼滑爆芝士 $20💁🏻♀️盐烧牛舌芯 $28💁🏻♀️盐烧手切封门牛肉 $28💁🏻♀️蒜蓉菜脯烧广岛蚝 $48💁🏻♀️流心蛋蟹籽薯仔沙律 $68💁🏻♀️明太子忌廉乌冬 $58💁🏻♀️脆皮猪大肠伴荞头 $68💁🏻♀️椒盐紫菜泰式辣酱九肚鱼 $68当日得意忘形叫咗好多嘢食
想要狂欢，唔一定要等到星期五嘅，星期二都可以嚟个Happy Tuesday呀🤗收咗工之后，我就约咗Pu 妈 @pu.pu.purinn 一齐去铜锣湾饮番杯先返屋企😎天气咁热，最啱就系饮啤酒啦，我哋去咗一间新开冇耐嘅居酒屋食串烧同饮啤酒，睇到餐牌嘅时候都有啲吓亲，因为佢啲串烧真系几平下，平时出去食十几廿蚊既串串呢度$10起一串，啤酒$48大大杯仲要买一送一🥸餐牌上面最贵嘅食物都系唔过$68，仲要系主食嚟添🤓基本上可以唔睇价钱点晒自己钟意嘅嘢食✌🏻饮咗几杯最后埋单都系$600左右，好适合一大班人过嚟热闹热闹😜当晚好多台都系大枱，所以当晚气氛都几好，讲吓当晚食咗啲咩先🤭
💁🏻♀️椒盐烧鸡皮 $10
💁🏻♀️港式蜜糖烧菠萝 $10
💁🏻♀️话梅粉烧车厘茄卷 $15
💁🏻♀️烧鲜鸡肾 $20
💁🏻♀️老油条酿墨鱼滑爆芝士 $20
💁🏻♀️盐烧牛舌芯 $28
💁🏻♀️盐烧手切封门牛肉 $28
💁🏻♀️蒜蓉菜脯烧广岛蚝 $48
💁🏻♀️流心蛋蟹籽薯仔沙律 $68
💁🏻♀️明太子忌廉乌冬 $58
💁🏻♀️脆皮猪大肠伴荞头 $68
💁🏻♀️椒盐紫菜泰式辣酱九肚鱼 $68
当日得意忘形叫咗好多嘢食，好似俄罗斯方块咁都未食完上一样就已经有下一样😂上菜速度好快，我哋两个饮住啤酒慢慢咁样食嘢倾偈都倾咗两个几钟🫶🏻串烧$10至$20嘅要两串起叫，但系难唔到我哋两个为食鬼的🫣椒盐烧鸡皮烧得够干身，咬落脆卜卜好有口感，燃烧菠萝我觉得系必叫嘅串烧之一，烧完之后呈现焦糖嘅感觉，入口十分香甜🍍 我其实一向都好钟意食豚肉车厘茄卷，烧过嘅车厘茄会更加之甜，用豚肉包住车厘茄食落又咸又甜，再加上上面嘅话梅粉提味令到更加好食👍🏻我个人觉得老油条让墨鱼滑呢一个菜式都几啱我嘅口味，因为出边嘅油炸鬼系脆的，而入面嘅墨鱼滑加入咗芝士食落有爆浆效果，不过要小心啲好热辣咀呀蒜蓉菜脯烧广岛蚝一客有两件，同蒜蓉永远匹配嘅广岛蚝食落肥美都算大只，我发觉佢呢度除咗烧烤之外另外嘅小食都唔错，椒盐九肚鱼配上紫菜粉同埋泰式辣酱，食落惹味脆口，略嫌份量较少，不过味道唔错，脆皮猪大肠我觉得都处理得几好，虽然切得比较细片，但系炸得香脆，配上甜甜辣辣嘅酱汁好开胃👍🏻我哋仲嗌咗个明太子忌廉乌冬同埋流心蛋蟹籽薯仔沙律当主食，薯仔沙律食落Creamy，流心蛋嘅蛋汁捞埋落去个沙律度食嘅话我扒五碗饭都仲可以😂整体嚟讲，我觉得价钱喺铜锣湾来说都好公道，生啤买一送一优惠都系好吸引人嚟嘅因素，之后有机会都想再试埋其他嘅串烧🤭希望下次嚟我会冷静啲唔好一次过叫咁多嘢😂巨饱
张贴
