影片
更多
2012-01-03
28 浏览
新都会新开咗一连两间牛肉食肆，其实同一集团经营，一间系烧肉，一间系边炉。两间都要排队，多数人会两边攞筹，边间快有位就食边间。牛涮锅先有位，但都等咗大半个钟。柯打咗$118任食试试，豚肉牛肉要落柯打，其他汽水、蔬菜、豆腐、乌冬、炒饭要自取。豚肉及牛肉有水准，比牛阵好好多，不过碟碟唔同，第一碟最靓仔，之后就比较马虎；其他食物都新鲜，和牛炒饭冇味，唯一美中不足；最后仲有自助软雪糕，正。今晚食到饱饱，真尽兴，$118呢个价钱有咁既质素真系抵食!下次要试下隔离间烧肉先。
两间都要排队，多数人会两边攞筹，边间快有位就食边间。
牛涮锅先有位，但都等咗大半个钟。
柯打咗$118任食试试，豚肉牛肉要落柯打，其他汽水、蔬菜、豆腐、乌冬、炒饭要自取。
豚肉及牛肉有水准，比牛阵好好多，不过碟碟唔同，第一碟最靓仔，之后就比较马虎；其他食物都新鲜，和牛炒饭冇味，唯一美中不足；最后仲有自助软雪糕，正。
今晚食到饱饱，真尽兴，$118呢个价钱有咁既质素真系抵食!
下次要试下隔离间烧肉先。
题外话/补充资料：
自助形式有好处，亦有坏处，有几名少女自助雪糕沟可乐一撞就呕泡，搅到周围痴立立；另外有个阿妈抱住个三四岁既仔仔不断去自助餐枱攞食物，个仔仔只鞋就不断扫到啲食物，极不卫生，但个阿妈完全唔知情，我地真系睇到眼突:o!
希望之后啲食客会自律一啲!!
(以上食记乃用户个人意见 , 并不代表OpenRice之观点。)
张贴