石牆道韓國餐廳

营业中

休息中

个人第一次公开写差评，因为实在太差劲，第一次食饭食到咁嬲，今日朋友共3大人1小童预约了5点半试呢间韩国菜，我们准时到，职员给我们安排了独立房，当时外面见到有一台客人，之后櫈都未暖便有位高级职员来点菜，狂sell餐牌最贵的套餐同酱油蟹，其实我地最想食系韩国汤类，总之搅左十分钟我地决定点人参鸡汤同牛骨汤一解冇得去韩国之情怀，再点海鲜煎饼，海鲜炒五花腩，其实已经好够，再点饮品。我估计等左10分钟陆续上菜，职员不停入来问加唔加d咩？在20分钟内总共问左4次，我地食都食得唔安乐，到左6点25分，职员竟然攞张单同录卡机来埋单，我地碟五花腩仲有一半。其实用餐大约系30分钟左右，中间仲要不停被职员问呢问路，成餐饭食到背脊骨落。我们唔想嘈唯有埋单，点知埋单仲要计多杯饮品，我地3个大人都好嬲，未试过食餐饭食到咁。埋单9百几，唔算平，冇念过系比人赶走叫我地埋单啰。唔通要食成皮野先可以坐耐dd, 其实当时外面系唔爆场，眼见仲有3至4张台的。仲有，我地系未食完的。重点系 ，食物质素系ok的，未至于到可以赶客走的程度。劲差！