影片
更多
2023-05-21
1173 浏览
人生第一次写食谱，并唔系因为超好食，系难食到要记底，作为一个惨痛既记忆。讲下叫左乜嘢食先，有半半炸鸡，一半香蒜蜜糖，一半甜辣，都大路野，应该稳阵，点知😓。甜辣味个酱好似沟左水禁，得好少甜味，辣味就完全感觉唔到。香蒜蜜糖都系，完全无蒜味，连闻到闻唔到。炸鸡好似烤鸡，无趣卜卜，连好钟意食炸鸡既小朋友，都只系食左两旧，之后全程无惦过。有两个主食，一个辣海鲜汤面，一个牛肉拌饭。牛肉拌饭我就真系无食过，但系当我帮小朋友整呢个拌饭既时候，果阵雪藏牛肉味都几劲，不过小朋友食左三分一，就当佢无太大问题，因为我哋无放拌饭酱，所以可能啲味又会唔同。点解无食牛肉拌饭，就系因间呢个海鲜辣汤面，咸到我呆左，咸到俾唔到反应，食咗几条面，饮左成杯水，食咗几旧炸鸡白萝卜之后清清个口，俾多次机会佢，再试多啖，真系唔得。自问都系重口味，食嘢都食开多酱、浓味，但系呢个真系顶唔住。平时个男人做开执手尾，佢尽力都食唔到三分一。我有话要同侍应讲，叫佢同番厨房反映，男人话算啦，费事烦🙄。我哋仲有叫到一个腌生蚝餐，呢个有一兜沙律菜，一兜辣酱拌生蚝，一个紫菜饭，一个大酱豆腐汤，平心而论，$138系平，只系味道…。首先白饭系正常，辣酱生
讲下叫左乜嘢食先，有半半炸鸡，一半香蒜蜜糖，一半甜辣，都大路野，应该稳阵，点知😓。甜辣味个酱好似沟左水禁，得好少甜味，辣味就完全感觉唔到。香蒜蜜糖都系，完全无蒜味，连闻到闻唔到。炸鸡好似烤鸡，无趣卜卜，连好钟意食炸鸡既小朋友，都只系食左两旧，之后全程无惦过。
有两个主食，一个辣海鲜汤面，一个牛肉拌饭。牛肉拌饭我就真系无食过，但系当我帮小朋友整呢个拌饭既时候，果阵雪藏牛肉味都几劲，不过小朋友食左三分一，就当佢无太大问题，因为我哋无放拌饭酱，所以可能啲味又会唔同。
点解无食牛肉拌饭，就系因间呢个海鲜辣汤面，咸到我呆左，咸到俾唔到反应，食咗几条面，饮左成杯水，食咗几旧炸鸡白萝卜之后清清个口，俾多次机会佢，再试多啖，真系唔得。自问都系重口味，食嘢都食开多酱、浓味，但系呢个真系顶唔住。平时个男人做开执手尾，佢尽力都食唔到三分一。我有话要同侍应讲，叫佢同番厨房反映，男人话算啦，费事烦🙄。
我哋仲有叫到一个腌生蚝餐，呢个有一兜沙律菜，一兜辣酱拌生蚝，一个紫菜饭，一个大酱豆腐汤，平心而论，$138系平，只系味道…。首先白饭系正常，辣酱生蚝都系咸，所以要加埋沙律菜食，感觉上就叫摆得入口，同埋可以加埋饭一齐食，总算有野可以填饱个肚。仲有个大酱豆腐汤，都系得个咸字，虽然无汤面禁咸，但都系饮完之后要饮水既程度。
成餐饭食咗5百几蚊，我谂我哋食左三分一都唔知有无，真系难食到食唔到，人生第一次食到啲野系难食到唔想再食。
张贴
