影片
更多
2023-01-28
238 浏览
话说因为LULU猪而想食呢间好耐，琴日咁岩去铜锣湾，终于去到呢间，2：22分入去，叫咗个烤牛肉蛋包饭，芝士同酱油炸鸡，一个甜品同两杯LULU猪野饮。蛋包饭好快上黎，中规中矩，冇乜特别，但系拎起勺羹，上面既然有不明物体嘅干咗黐系上边嘅痕迹，之后上杯野饮，杯LULU猪香蕉奶就神奇啦，竟然就系出边买到嘅香蕉奶加热倒出来嘅！！！跟住上个炸鸡，炸鸡都正正常常，唔好唔坏，但系等住好耐，杯奶昔仲一直唔上，问咗两次，都话太多单，要等多阵，但系我明明见到入边D员工系度倾计冇做野，店入门都好少客，唔明边有咁多单，而出边D员工系咁行黎行去，仲有D系度玩电话，仲扮到好忙咁，跟住等咗好耐，甜品都上埋，一睇，差D怀疑人生，我地明明系为咗LULU猪黎嘅，个甜品上原本有只LULU猪饼干，但系竟然冇咗，俾员工偷食？？？呢个都算，我忍，但系明明个甜品上系有雪糕球嘅，最后竟然系冇雪糕，用咗D cream黎扮雪糕，真系闻所未闻，洗唔洗咁货不对版！之后甜品都好难食，食到好想饮野，但系杯奶昔仲未上，问咗都系话要等等，最后忍唔住，问佢系咪漏单，佢check一check，先话冇落到，唔明点解可以漏，个员工落单𠮶阵系佢自己讲，两杯野饮
呢间野真系一言俾难尽，第一次俾差评，真系第一次遇到咁离谱，严重货不对版，服务衰到贴地嘅餐厅，建议千祈唔好黎，呢间野净系做新客，呃人一次就算，唔会有回头客。最后，影咗好多相，等女朋友sd俾我之后再黎评价多次
张贴